Аз ноҳияи Ашт 3000 тонна зардолуи пешпазак содирот мешавад
СУҒД, 30.05.2024. /АМИТ «Ховар»/. Боғдорони ноҳияи Ашт тасмим гирифтаанд, ки 3000 тонна зардолуи пешпазакро ба Русия ва Қазоқистон содирот намоянд. Тавре ба АМИТ «Ховар» дар хадамоти матбуоти Раиси вилояти Суғд иттилоъ доданд, ҳамарӯза беш аз 10 мошини калони боркаш вориди ноҳия шуда, маҳсулотро интиқол медиҳанд.
Раиси вилояти Суғд Раҷаббой Аҳмадзода дар ноҳияи Ашт бо ҷараёни ҷамъоварӣ ва содироти зардолу шинос гардид. Гуфта шуд, ки нархи як килограмм зардолу дар хоҷагиҳо деҳқонӣ 8 сомонӣ аст.
Дар ноҳияи Ашт, ки калонтарин ноҳияи аграрӣ ба ҳисоб меравад, 20 ҳазор гектар боғи зардолу мавҷуд аст. Аз ин миқдор 570 гектари он зардолуи пешпазак буда, дар айни замон чиниш ва содироти маҳсулот идома дорад.
Бо дастгирии Ҳукумати Ҷумҳурии Тоҷикистон ва Мақомоти иҷроияи ҳокимияти давлатии вилояти Суғд барои осон намудани раванди содироти маҳсулот равзанаи ягонаи амалиёти содиротӣ, назорат ва барасмиятдарории маҳсулоти содиротшаванда таъсис дода шудааст.
Иброз гардид, ки имсол ҳосили зардолу хуб буда, барои ҷамъовариву содироти маҳсулот бояд аз тамоми имконият истифода бурда шавад. Зеро талабот ба меваҳои шаҳдбори мамлакати офтобии мо дар хориҷи ҷумҳурӣ хеле зиёд аст.
АКС: Хадамоти матбуоти Раиси вилояти Суғд
Дар Душанбе оид ба нақши занони мақомоти гумрук дар таҳкими арзишҳои миллӣ ва хизмати давлатӣ ҳамоиш доир шуд
Дурнамои таҳкими ҳамкории Бонки миллии Тоҷикистон бо Бонки ҷаҳонӣ дар Душанбе баррасӣ гардид
Раванди татбиқи лоиҳаи муштараки «Диёри Душанбе» дар Қатар баррасӣ карда шуд
Дар Душанбе Форуми байналмилалии «Савдои фаромарзии бекоғаз ва ҳамгироии минтақавӣ» баргузор гардид
Дар ноҳияи Дарвоз бахшида ба 35-солагии Истиқлоли давлатӣ 11 иншоот ифтитоҳ гардид
Дар даврони соҳибистиқлолӣ ба рушди иҷтимоию иқтисодии Бадахшон беш аз 26 миллиард сомонӣ равона гардидааст
Пешвои миллат: «Маҷмуи маҳсулоти Вилояти Мухтори Кӯҳистони Бадахшон дар 25 соли охир 93 баробар афзоиш ёфтааст»
Дар Бадахшон ба истиқболи ҷашни 35-солагии Истиқлоли давлатӣ 1545 иншооти таъйиноти гуногун сохта, ба истифода дода шудааст
Дар Бадахшон корҳои сохтмонии зеристгоҳи барқии «Шарифобод» оғоз гардид
Дар Тоҷикистон беш аз 400 ҳазор тонна пиёз ҷамъоварӣ гардидааст
Дар Тоҷикистон дар беш аз 223 ҳазор гектар кишти тирамоҳӣ гузаронида мешавад
Соҳибкорон аз Чин бо фаъолияти корхонаҳои Минтақаи озоди иқтисодии «Суғд» шинос шуданд
