Байни Донишгоҳи давлатии Кӯлоб ва Донишгоҳи давлатии Ленинград санади ҳамкорӣ ба имзо расид

Май 27, 2024 13:56

ДУШАНБЕ, 27.05.2024. /АМИТ «Ховар»/. Ректори Донишгоҳи давлатии Кӯлоб ба номи Абуабдуллоҳи Рӯдакӣ Дилшод Раҳмон 24 май дар шаҳри Санкт-Петербурги Федератсияи Русия зимни иштирок дар Конфронси байналмилалии илмӣ-амалӣ таҳти унвони «Институти идоракунии президентӣ дар давлатҳои Иттиҳоди Давлатҳои Мустақил» бо ректори Донишгоҳи давлатии Ленинград ба номи А.С. Пушкин Григорий Двас Ёддошти тафоҳум ба имзо расонид. Дар ин хусус АМИТ «Ховар» бо истинод ба Донишгоҳи давлатии Кӯлоб иттилоъ медиҳад.

Хушбахтона, Ассамблеяи байнипарлумонии давлатҳои Иттиҳоди Давлатҳои Мустақил дар баробари рисолати оинномавӣ ба яке аз минбарҳои васеъ ва мусоиди муколамаи муассисаҳои таҳсилоти олии касбии мамлакатҳои Иттиҳод табдил ёфта, зимни чорабиниҳои илмӣ ва нақшавии он байни муассисаҳои таълимии кишварҳо санадҳои гуногуни ҳамкорӣ ба тасвиб мерасанд.

Дар маросими тасвиби Ёддошти тафоҳум инчунин муовини Котиби генералии Шурои Ассамблеяи байнипарлумонии давлатҳои Иттиҳоди Давлатҳои Мустақил – намояндаи ваколатдори Маҷлиси Олии Ҷумҳурии Тоҷикистон дар Ассамблеяи байнипарлумонии Иттиҳоди Давлатҳои Мустақил Абдухалил Ғафурзода иштирок намуд.

Меҳмонон бо шароити таҳсил, синфхонаҳо, озмоишгоҳҳо ва марказҳои таълимию илмии Донишгоҳи давлатии Ленинград шинос шуда, дар бораи ин муассисаи таълимии бонуфуз маълумоти муфассал гирифтанд.

Бояд гуфт, ки давоми ду соли охир дар доираи тақвият ва густариши ҳамкории байналмилалии Донишгоҳи давлатии Кӯлоб бо 16 муассисаи таълимии давлатҳои Иттиҳоди Давлатҳои Мустақил ҳамкории судманд ва боровари илмию таълимӣ ва методологӣ амалӣ гардид.

АКС: Донишгоҳи давлатии Кӯлоб ба номи Абуабдуллоҳи Рӯдакӣ

Май 27, 2024 13:56

Хабарҳои дигари ин бахш

Дар Донишгоҳи давлатии Кӯлоб бахшида ба Рӯзи Ваҳдати миллӣ ҳамоиш баргузор шуд
Ҷаласаи Шуро оид ба технологияҳои иттилоотию коммуникатсионии назди Вазорати маориф ва илм доир гардид
«GREENWICH «IGO». Хонандагони тоҷик дар олимпиадаи байналмилалӣ сазовори 9 медал гардиданд
Донишҷӯёни Тоҷикистон имкони дар Донишгоҳи шаҳрсозии Тянҷин идома додани таҳсилро доранд
ТАЪТИЛИ ТОБИСТОНА. Лагери дараи Камароби ноҳияи Рашт 150 хонандаро дар се давр ба истироҳат фаро мегирад
Хонандагони тоҷик дар олимпиадаи байналмилали соҳиби ҷойи дуюм шуданд
Ҳамкории Донишгоҳи техникии Тоҷикистон бо Донишгоҳи илм ва технологияи AGH-и Лаҳистон густариш меёбад
Даврон Сафарзода: «Олимони тоҷик минбаъд низ бояд барои расидан ба ҳадафҳои стратегии давлат саҳм гузоранд»
«МАЪРИФАТИ ҲУҚУҚӢ-ОЙИНИ ХУДШИНОСӢ». Дар пойтахт даври шаҳри озмуни ҷумҳуриявӣ баргузор гардид
Олимпиадаи ҷумҳуриявӣ барои дарёфти «Ҷоми Кумита оид ба таҳсилоти ибтидоӣ ва миёнаи касбӣ» ҷамъбаст гардид
Дар Донишгоҳи байналмилалии забонҳои хориҷии Тоҷикистон оид ба «Истифодаи оқилонаи захираҳои об дар шароити тағйирёбии иқлим» ҳамоиш баргузор шуд
НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд