Байни ширкатҳои Тоҷикистон ва Озарбойҷон 15 санади ҳамкорӣ ба имзо расид
ДУШАНБЕ, 21.05.2024 /АМИТ «Ховар»/. Аз рӯйи натиҷаҳои Форуми соҳибкории Тоҷикистон ва Озарбойҷон, ки 20 май дар шаҳри Боку баргузор гардид, зиёда аз 15 санади нави ҳамкорӣ ба маблағи 700 миллион доллари ИМА ба имзо расид, хабар медиҳад АМИТ «Ховар».
Дар форум, аз ҷумла байни Ҷамъияти саҳомии кушодаи «Талко»-и Ҷумҳурии Тоҷикистон ва Ҷамъияти саҳомии кушодаи «Азералюмин»-и Ҷумҳурии Озарбойҷон Ёддошти тафоҳум ба имзо расид.
Байни Корхонаи воҳиди давлатии «Тоҷагропромэкспорт» ва Ҷамъияти саҳомии кушодаи «Корпоратсияи саноатии Озарбойҷон» Созишнома оид ба ҳамкорӣ дар соҳаи савдои мутақобила ба имзо расид.
Илова бар ин, байни Ҷамъияти дорои масъулияти маҳдуди «Лесинвест» (Тоҷикистон) ва Ҷамъияти саҳомии кушодаи «Корпоратсияи саноатии Озарбойҷон» дар соҳаи фурӯши равғани пахта ва табодули таҷриба дар соҳаи истеҳсоли нассоҷӣ, байни Ҷамъияти дорои масъулияти маҳдуди «Водии Заррин» (Тоҷикистон) ва Ҷамъияти саҳомии кушодаи «Корпоратсияи саноатии Озарбойҷон» дар соҳаи пахтакорӣ, коркарди пахтаи хом ва истеҳсоли нассоҷӣ, байни Ҷамъияти дорои масъулияти маҳдуди «Мармарӣ» (Тоҷикистон) ва Ҷамъияти саҳомии кушодаи «Корпоратсияи саноатии Озарбойҷон» дар соҳаи пахтакорӣ, аз ҷумла коркарди тухмии пахта, байни Ҷамъияти дорои масъулияти маҳдуди «Сирдарё» (Тоҷикистон) ва Ҷамъияти саҳомии кушодаи «Корпоратсияи саноатии Озарбойҷон» дар соҳаи амалиёти содироту воридот, байни ширкатҳои «Боллуг» (Тоҷикистон) ва «Ганҷ 2000» (Озарбойҷон) оид ба ҳамкорӣ ва ҳамдигарфаҳмӣ, байни ширкати «ОБИ ФАЙЗОБОД» (Тоҷикистон) ва ширкати «Universal Trade» (Озарбойҷон) созишномаҳо ба имзо расиданд.
Ёдовар мешавем, ки форум бо мақсади рушди ҳамкории дуҷонибаи иқтисодӣ ва сармоягузории Ҷумҳурии Тоҷикистон ва Ҷумҳурии Озарбойҷон, таҳкими шарикии тиҷоратию иқтисодӣ, барқарор намудани робитаҳо байни доираҳои тиҷоратӣ, таҳқиқи самтҳо ва имконияти нави ҳамкорӣ ва сармоягузории мутақобила, инчунин татбиқи лоиҳаҳои муштарак гузаронида шуд.
Дар анҷуман беш аз 200 нафар аз ҳарду ҷониб, аз ҷумла роҳбарон ва масъулини вазорату идораҳо, соҳибкорону сармоягузорон ва намояндагони ширкату корхонаҳои соҳаҳои гуногуни фаъолияти хоҷагидории Тоҷикистон ва Озарбойҷон дар соҳаҳои саноат, инфрасохтор, нақлиёт ва коммуникатсия, кишоварзӣ, тандурустӣ, хизматрасонии молиявӣ ва сайёҳӣ иштирок намуданд.
АКС: АМИТ «Ховар»
Дар «Тоҷикаэронавигатсия» масъалаи муқовимат ба коррупсия баррасӣ карда шуд
Барои татбиқи лоиҳа оид ба ҷорӣ намудани нақлиёти ҷамъиятии барқӣ дар Хатлон созишномаҳои қарзӣ ва грантӣ ба имзо расиданд
Дурнамои ҳамкории иқтисодӣ ва афзоиши гардиши савдои Тоҷикистон ва Британияи Кабир баррасӣ гардид
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
