«БАРОИ СУЛҲ ВА ДӮСТӢ». Таҳти чунин унвон дар Тоҷикистон фестивали байналмилалӣ оғоз гардид

Май 25, 2024 10:19

ДУШАНБЕ, 25.05.2024 /АМИТ «Ховар»/. Дар шаҳри Душанбе таҳти унвони «Барои сулҳ ва дӯстӣ»  бо мақсади рушди ҳамкории байналмилалии ҷавонон ва табодули таҷриба байни ташкилоти  волонтёрони давлатҳои Иттиҳоди Давлатҳои Мустақил фестивали байналмилалӣ оғоз гардид, ки он давоми  як ҳафта дар Тоҷикистон идома меёбад, хабар медиҳад АМИТ «Ховар» бо истинод ба Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Дар фестивал, ки ба Рӯзи ҷавонони Тоҷикистон бахшида шудааст, зиёда аз 50 намояндаи ҷавонони Иттиҳоди Давлатҳои Мустақил ва маммлакат иштирок доранд.

Дар рӯзи аввали фестивал ҷавонони кишварҳои Иттиҳоди Давлатҳои Мустақил ба пояи муҷассамаи Исмоили Сомонӣ- асосгузори давлати тоҷикон гулчанбар гузоштанд.

Фестивал як ҳафта давом мекунад. Иштирокчиён аз дарсҳои маҳорат, ярмаркаҳо, намоишгоҳҳо, таблиғҳо, муҳокимаҳои панелӣ ва шабҳои фарҳангии кишварҳои иштироккунанда баҳра мебардоранд. Чорабиниҳои асосӣ дар шимоли мамлакат-  дар шаҳрҳои Хуҷанд ва Гулистон баргузор мешаванд.

Ҳамоиш ба Соли ҳаракати волонтёрон дар давлатҳои Иттиҳоди Давлатҳои Мустақил ва ҳамчунин ба Рӯзи ҷавонони тоҷик бахшида шудааст.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон

Май 25, 2024 10:19

Хабарҳои дигари ин бахш

Суратгузориш аз рафти саёҳати матбуотии хабарнигорони Чин дар Тоҷикистон
30 ҚАДАМИ СОЗАНДА ДАР АМРИ ВАТАНСОЗӢ. Таҳти ин унвон дар Ҳисор Фестивал – озмуни «Ташкилоти беҳтарини сол» баргузор мешавад
Саёҳати матбуотии бомувафаққи хабарнигорони рӯзномаи «Жэнмин Жибао» дар пойтахти Тоҷикистон
Дар Академияи ВАО-и Тоҷикистон вобаста ба самти сохтмон, меъморӣ ва шаҳрсозӣ машғулияти омӯзишӣ оғоз шуд
«ИЛОҶИ ВОҚЕА ПЕШ АЗ ВУҚУЪ». Ҳангоми оббозӣ қоидаҳои бехатариро риоя карда, фарзандонро беназорат нагузоред!
САЛОМ, ТОБИСТОН! Истироҳатгоҳи «Шабдез»-и ноҳияи Роштқалъа ба қабули наврасон шуруъ мекунад
Операторро иваз кардан мехоҳам. Чӣ тавр рақамҳои лозимиро гум накунем?
ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Душанбе, Кӯлоб ва Ховалинг ба 2200 ниёзманд кумак расонида шуд
«СУҒД-2024». Дар ин ярмаркаи байналмилалӣ 500 нафар меҳмон аз дохил ва хориҷи Тоҷикистон иштирок менамояд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 35 дараҷа гарм мешавад
Кумитаи меъморӣ ва сохтмони Тоҷикистон баҳри густариши раванди рақамикунонӣ Созишнома ба имзо расонид