Дар Дубай дар мавзуи «Ҷашни Наврӯз ва нақши он дар ташаккули худшиносии миллӣ» конфронси илмӣ доир шуд

Май 13, 2024 12:00

ДУШАНБЕ, 13.05.2024 /АМИТ «Ховар»/. Дар Консулгарии генералии Ҷумҳурии Тоҷикистон дар шаҳри Дубай дар мавзуи «Ҷашни Наврӯз ва нақши он дар ташаккули худшиносии миллӣ» конфронси илмӣ-амалии ҷумҳуриявӣ баргузор гардид, хабар медиҳад АМИТ «Ховар» бо истинод ба ин консулгарӣ.

Тавре иттилоъ дода шуд,  дар  Консулгарии генералии Ҷумҳурии Тоҷикистон дар шаҳри Дубай роҳбарият, кормандони консулгарӣ ва меҳмонон ин ҷашни байналмилалиро бо барномаи рангину савту навои дилнавоз ва намоиши анъанаҳои наврӯзӣ таҷлил намуданд.

Консули генералии Ҷумҳурии Тоҷикистон дар Дубай Диловар Баҳромзода иброз дошт, ки ойину суннатҳои Наврӯз ба андозае зебову ҷаззоб, саршори ормонҳои наҷиб ва мардумиву заминӣ мебошанд, ки давоми садсолаҳо аз ҷониби бисёр халқу миллатҳои дигар пазируфта шуда, ба рукни фарҳангии онҳо табдил ёфтаанд. Имрӯз он ҳамчун иди миллии бисёр мардумони минтақа ва ҷаҳон ҷашн гирифта мешавад.

Зимни маҳфили идона аз ҷониби раёсати сафорат ва кормандони консулгарӣ дар саҳни меҳмонхона равзаҳои махсус оид ба таърихи Наврӯз барномаи фарҳангӣ  , таому бозиҳои миллӣ ва дастранҷи ҳунарҳои мардумӣ манзури ҳозирин гардонида шуданд.

АКС: Консулгарии генералии Ҷумҳурии Тоҷикистон дар Дубай

Май 13, 2024 12:00

Хабарҳои дигари ин бахш

Тоҷикистон оид ба таъсис додани Маркази вокуниши гуманитарии Созмони Аҳдномаи амнияти дастҷамъӣ дар Хатлон пешниҳод намуд
Ҳайати Тоҷикистон дар ҷаласаи Шурои иқтисодии Иттиҳоди Давлатҳои Мустақил дар Москва иштирок намуд
Дар Москва ҷаласаи навбатии Шурои машваратии роҳбарони хадамотҳои консулии давлатҳои аъзои ИДМ баргузор гардид
Тоҷикистон ва Туркманистон ҳамкории байниминтақавиро таҳким мебахшанд
Дар Эрон нишасти фарҳангии «Шаби устод Садриддин Айнӣ» баргузор гардид
Дар Берлин дар мавзуи назми тоҷик ҳамоиши фарҳангӣ баргузор шуд
Намояндаи доимии Тоҷикистон ҷаласаи солонаи Шурои иҷроияи Созмони Милали Муттаҳид-Занонро раисӣ намуд
Дар Австрия оид ба Раванди оби Душанбе маълумоти муфассал пешниҳод гардид
Дар Женева масъалаи ҳамкории Тоҷикистон бо Фонди сармоягузории Швейтсария барои бозорҳои рушдёбанда баррасӣ гардид
Соли 2025 Душанбе мизбони Форуми VIII коршиносони Осиёи Марказӣ мегардад
Имконияти сайёҳии Тоҷикистон дар Олмон муаррифӣ гардид
Байни вазоратҳои корҳои хориҷии Тоҷикистон ва Ангола Барномаи ҳамкорӣ ба имзо расид