Дар ноҳияи Ашт 20 000 гектар боғи зардолу мавҷуд аст

ДУШАНБЕ, 10.05.2024 /АМИТ «Ховар/. Хо­ҷагии деҳқонии «Кӯҳс­ор»-и ноҳияи Ашт дорои 13 гект­ар боғи зардолу мебошад, ки бо мусоид омадани боду ҳавои имсола дарахтон нашъунамои хуб доранд. Дар ин хусус АМИТ «Ховар» бо истинод ба хадамоти матбуоти Раиси вилояти Суғд хабар медиҳад.

Боғпарварон тасмим гирифтаанд, ки баъди пухта расидан ҳосилро ҷамъоварӣ карда, онро ба хориҷи мамлакат содир намоянд.

Дар хоҷагӣ 3 гектар зардолуи пешпазак мавҷуд аст, ки ҳамасо­ла ҳосили он — зардо­луи тар ба Федератси­яи Русия ва Қазоқистон содирот мегардад.

Бояд гуфт, ки ноҳияи Ашт дорои 20 ҳазор гектар боғоти зардолу буда, боғп­арварон аз ин ҳисоб даромади хуб мегиран­д.

Боғдорон зимни суҳбат изҳор доштанд, ки ҳосилро дар чанд марҳила ҷамъ ва хушк менамоянд ва дар вақти мавсим занҳои хонанишин ба кор ҷалб карда мешаванд.

Дар ноҳия барои бо тарҳи ҷаззоб банду баст кардани зардолу, бунёди коргоҳи коркарди зардолу ва истеҳсоли афшураҳо, ба роҳ мондани содироти маҳсулоти тайёр корҳо идома доранд.

АКС аз бойгонӣ