Дар ноҳияи Фирдавсӣ ду ташкилоти ибтидоии Ҳизби Халқии Демократии Тоҷикистон таъсис дода шуд

Май 16, 2024 16:30

ДУШАНБЕ, 16.05.2024. /АМИТ «Ховар»/. 15 май дар Маркази савдову хизматрасонӣ ва фароғатии «Сиёма Молл» ва Муассисаи давлатии «Маркази дарёфт ва рушди истеъдодҳо»-и ноҳияи Фирдавсӣ маҷлиси муассисон барои таъсиси ташкилоти ибтидоии Ҳизби Халқии Демократии Тоҷикистон баргузор гардид. Дар ин хусус АМИТ «Ховар» бо истинод ба шуъбаи таблиғот ва иттилооти Кумитаи иҷроияи Ҳизби Халқии Демократии Тоҷикистон дар ноҳияи Фирдавсии шаҳри Душанбе хабар медиҳад.

Маҷлисҳои муассисон бо иштироки роҳбарияти Кумитаи иҷроияи ҳизб дар ноҳияи Фирдавсӣ баргузор гардида, ба нафароне, ки ба сафи ҳизб пайваст шуданд, шаҳодатномаҳои ҳизбӣ тақдим гардиданд. Ташкилоти ҳизбӣ дар Маркази савдову хизматрасонӣ ва фароғатии «Сиёма Молл» «Маркази фароғатӣ» номгузорӣ шуда, роҳбарияти ташкилоти ибтидоӣ интихоб шуд.

Инчунин дар Муассисаи давлатии «Маркази дарёфт ва рушди истеъдодҳо»-и ноҳияи Фирдавсӣ ташкилоти ҳизбӣ «Маърифат ва истеъдод» номгузорӣ шуда, роҳбарияти он низ интихоб гардид.

Дар маҷлис раиси Кумитаи иҷроияи ҳизб дар ноҳияи Фирдавсӣ вобаста ба заминаҳои ташаккули аҳзоби сиёсӣ дар мамлакат, нақши Ҳизби Халқии Демократии Тоҷикистон дар ташаккули иродаи сиёсии ҷомеа, мулоқоти Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон бо фаъолон, намояндагони ҷомеа ва ходимони дин аз 9 марти имсол, вазъи зудтағйирёбандаи ҷаҳони муосир ва арзишҳои оиладорӣ ибрози андеша намуд.

Бояд гуфт, ки аз моҳи январ то инҷониб дар ноҳияи Фирдавсӣ 10 ташкилоти ибтидоӣ таъсис дода шуда, ташкилоти ҳизбии «Неруи сабз», «Дармонбахш», «Арвис», «Маркази фароғатӣ» аз бахши соҳибкорию саноатӣ мебошанд.

Таъсиси ташкилоти ибтидоӣ дар меҳвари фаъолияти Кумитаи иҷроияи ҲХДТ дар ноҳияи Фирдавсӣ қарор дошта, барои татбиқи барномаҳои ҳизбӣ ва ҷалби бештари шаҳрвандон ба ҳадафҳои созандаи Ҳизби Халқии Демократии Тоҷикистон мусоидат менамояд. Ёдовар мешавем, ки имсол ба таъсиси Ҳизби Халқии Демократии Тоҷикистон сӣ сол пур мешавад.

Дар робита ба ин дар ноҳияи Фирдавсӣ чорабиниҳои гуногуни сиёсӣ ва илмию фарҳангӣ гузаронида мешаванд.

АКС: Шуъбаи таблиғот ва иттилооти КИ ҲХДТ дар ноҳияи Фирдавсии шаҳри Душанбе

Май 16, 2024 16:30

Хабарҳои дигари ин бахш

Ширкати «IRS»: «Шумораи техникаҳои пойгоҳи техникӣ ба 228 адад расид»
ДУРНАМОИ ҲАМКОРИИ ТОҶИКИСТОНУ ЧИН. Дар Душанбе дар ин мавзуъ конфронси байналмилалӣ доир мегардад
Дар Тоҷикистон ҳавои тағйирёбанда пешгӯӣ мешавад
Боз ҳашт корманди ширкати «МегаФон Тоҷикистон» унвони соҳавӣ гирифтанд
ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ЭҲТИЁТ- НИМИ ҲАЁТ! Аз аввали соли равон дар Тоҷикистон 66 нафар ғарқ шуданд
20-21 июн дар баъзе минтақаҳои Тоҷикистон хавфи селҳои маҳаллӣ боқӣ мемонад
ТАЪМИНИ АМНИЯТИ ОЗУҚАВОРӢ. Кишоварзони ноҳияи Рашт зиёда аз сад фоиз нақшаи дурнамои кишти картошкаро иҷро карданд
ДАСТОВАРДҲОИ СОҲИБИСТИҚЛОЛӢ. Шурои ҷамъиятии назди Сафорати Тоҷикистон дар Русия дар ин мавзуъ озмун эълон кард
Дар рӯзномаи байналмилаллии арабии «Аш- Шарқ ал-Авсат» фарҳангу адабиёти тоҷик муаррифӣ гардид
Дар Хатлон 44 лоиҳаи сармоягузорӣ татбиқ мегардад
Дар Бадахшон фаъолони маъракаи даъвати баҳории ҷавонписарон ба сафи Артиши миллӣ қадрдонӣ шуданд