Дар ноҳияи Мастчоҳ даъват ба хизмати ҳарбӣ пеш аз муҳлат иҷро гардид
ДУШАНБЕ, 23.05.2024. /АМИТ «Ховар»/. Даъвати баҳории шаҳрвандон ба сафи Қувваҳои Мусаллаҳи Ҷумҳурии Тоҷикистон дар ноҳияи Мастчоҳ пеш аз муҳлат иҷро гардид. Дар ин хусус раиси комиссияи даъвати шаҳрвандон ба хизмати ҳарбӣ Музаффар Азиззода иттилоъ дод, хабар медиҳад АМИТ «Ховар» бо истинод ба дафтари матбуоти Раиси ноҳияи Мастчоҳ.
Музаффар Азиззода афзуд, ки хизмат дар сафи Қувваҳои Мусаллаҳи мамлакат қарзи шаҳрвандии ҳар ҷавонмард буда, он мактаби бузурги мардонагиву ватандӯстӣ маҳсуб мешавад. Саҳмгузорӣ дар татбиқи амру фармонҳои Президенти Тоҷикистон, Сарфармондеҳи Қувваҳои Мусалллаҳи мамлакат ва пурзӯр намудани тарбияи ахлоқию ватандӯстии ҷавонони синни даъватӣ яке аз масъалаҳои муҳим дар самти мудофиа ва ҳимояи ватан ва марзу буми мамлакат мебошад. Мо изҳори боварӣ менамоем, ки наваскарон Ватанро бо матонату шуҷоат ҳифз намуда, хизмати онро содиқонаву сарбаландона адо намуда, ба назди падару модарон бармегарданд.
Бояд гуфт, ки беш аз 35 шаҳрванди синни даъватӣ, ки довталабона ба хизмати ҳарбӣ рафтанд, дар Ташкилоти ҷамъиятии мададгори мудофиаи Ҷумҳурии Тоҷикистон дар ноҳияи Мастчоҳ даври омӯзишии ройгонро хатм намуда, соҳиби шаҳодатномаи ронандагӣ гардиданд.
АКС: Дафтари матбуоти Раиси ноҳияи Мастчоҳ
Имрӯз дар доманакӯҳҳои Тоҷикистон ҳаво то 37 дараҷа гарм мешавад
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
