Дар ҳошияи мулоқоти Президенти Тоҷикистон дар Донишгоҳи миллӣ бо намояндагони илму маориф ҳамоиш доир шуд
ДУШАНБЕ, 31.05.2024. /АМИТ «Ховар»/. Мулоқоти Пешвои миллат бо намояндагони илму маориф ба беҳтар намудани сифати таълим, дарёфти самтҳои афзалиятноки таҳқиқоти илмӣ, рушди зеҳни сунъӣ ва татбиқи ислоҳоти соҳавӣ равона шуда, барои рушди илм ва сатҳу сифати илмҳои дақиқ ва муаррифии Тоҷикистон дар тамоми соҳаҳо аҳамияти бисёр муҳим дорад. Чунин таъкид шуд зимни баргузории ҳамоише, ки дар ҳошияи баргузориии мулоқоти Президенти Ҷумҳурии Тоҷикистон муҳтарам Эмомалӣ Раҳмон дар Донишгоҳи миллии Тоҷикистон баргузор гардид.
Гуфта шуд, ки дар мулоқоти Пешвои миллат мушкилоти муосири илм ва таълим баррасӣ гардид. Ба қавли Сарвари давлат, дар заминаи таҳлилҳои мушаххас ва хулосабарориҳои дақиқ муайян гардид, ки имрӯз яке аз масъалаҳои мубрами сатҳу сифати таълим- ин сарбории зиёдии омӯзгор мебошад, ки ба имконияти самаранок, таҳқиқоти бештари илмӣ ва дарёфти роҳҳои самараноки тарбия дар шароити муосир имконоти зиёд фароҳам намеорад. Аз ҷониби дигар рӯ овардан ба илмҳои дақиқ, рушди зеҳни сунъӣ имкон медиҳад, ки рушди устувори мамлакат дар соҳаҳои гуногун аз ҷумла, дар соҳаи таъмини амнияти миллӣ тақвият ёфта, заминаи устувори ҷумҳурӣ баҳри беҳтар гаштани мақоми он дар саҳнаи ҷаҳонӣ мегардад.
Ёдовар мешавем, ки 30 май зимни мулоқоти Сарвари давлат муҳтарам Эмомалӣ Раҳмон бо намояндагони илму маориф натиҷаҳои кори олимон дар солҳои соҳибистиқлолӣ таҳлили амиқ шуда, барои дарёфти роҳҳои ба талаботи замон ҷавобгӯ сохтани илми ватанӣ ва хизмат кардани он дар роҳи рушду пешрафти давлат дар назди Ҳукумати мамлакат ва сохторҳои марбута вазифаҳои мушаххас гузошта шуданд.
Президенти мамлакат иброз доштанд, ки Ҳукумати Тоҷикистон илмро яке аз омилҳои асосии рушди кишвар ва олимонро захираи бузурги зеҳнии ҷомеа дониста, бо мақсади пешрафти ҳамаҷонибаи он ва беҳтар гардонидани шароити иҷтимоии кормандони соҳаи илм ҳамаи имкониятро муҳайё намудааст.
АКС: АМИТ «Ховар»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
Дар Донишгоҳи миллии Тоҷикистон маҷаллаи нави илмии байналмилалӣ «Дипломатияи тоҷик» таъсис ёфт
Ҷаласаи даҳуми вазирони маорифи давлатҳои аъзои Созмони ҳамкории Шанхай доир гардид
Дар шаҳри Душанбе масъалаи воридсозии зеҳни сунъӣ ба таҳсилоти умумӣ баррасӣ шуд
ХОНАНДАИ СОЛ. Мадина Саидализода ғолиби даври ҷумҳуриявии озмун гардид
