Дар Рим имконияти сармоягузорӣ ва зарфияти иқтисодии Тоҷикистон ба ширкатҳои бонуфузи Италия муаррифӣ карда шуд

ДУШАНБЕ, 30.05.2024 /АМИТ «Ховар»/. 29 май дар шаҳри Рим вохӯрии вазирони корҳои хориҷии давлатҳои Осиёи Марказӣ бо роҳбарони зиёда аз 30 ширкати бонуфузи италиявӣ, аз ҷумла «Ansaldio Energia», «IVECO Group», «MERMEC», «SAIPEM», «SACE» ва дигарон баргузор шуд. Дар ин хусус АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Вазири корҳои хориҷии Ҷумҳурии Тоҷикистон Сироҷиддин Муҳриддин зимни чорабинӣ имконияти сармоягузорӣ ва зарфияти иқтисодии мамлакатро дар соҳаҳои обу энергетика, саноат, захираҳои табиӣ, сайёҳӣ ва ғайра муаррифӣ намуд.

Ёдовар мешавем, ки вохӯрӣ дар ҳошияи нишасти сеюми вазирони корҳои хориҷии «Осиёи Марказӣ – Италия» баргузор гардид.

АКС: Вазорати корҳои хориҷии Ҷумҳурии Тоҷикистон