Дар шаҳри Гулистон 6 коргоҳу корхонаи нави саноатӣ ба истифода дода мешавад

Май 18, 2024 15:21

СУҒД, 18.05.2024. /АМИТ «Ховар»/. Имсол дар шаҳри Гулистони вилояти Суғд 6 коргоҳу корхонаи нави саноатӣ мавриди баҳрабардорӣ қарор дода мешавад. Дар ин хусус ба АМИТ «Ховар» дар Хадамоти матбуоти Раиси  вилояти Суғд хабар доданд.

Гулистон яке аз минтақаҳои саноатӣ ва сайёҳии вилояти Суғд маҳсуб шуда, бо мақсади омодагии ҳамаҷониба ва таҷлили бошукуҳи ҷашни 35‐солагии Истиқлоли давлатии Ҷумҳурии Тоҷикистон дар шаҳр бунёди теъдоди зиёди корхонаи нави саноатӣ ва биноҳои баландошёна, азнавбарқароркунӣ ва таъмиру тармими иншооти таъйиноти гуногун ба нақша гирифта шудааст.

Дар раванди бунёду ба кор даровардани коргоҳу корхонаҳои истеҳсолӣ саҳми соҳибкорону сармоягузорон бештар аст. Имрӯзҳо дар минтақаи саноатии шаҳр корҳои бозсозӣ дар корхонаи истеҳсоли масолеҳи металлии ҶДММ “Маҳмуд ва КО” бо маром идома доранд. Дар ин корхона арматура ва секунҷаю чоркунҷаҳои металлӣ, ки дар сохтмони бинову иншооти гуногун, махсусан биноҳои бисёрошёна масолеҳи асосӣ ба шумор меравад, истеҳсол карда мешавад.

Ҳамзамон дар минтақаи саноатии шаҳри Гулистон бунёди корхонаи истеҳсоли ноқилҳои барқӣ ва қубурҳои полиэтиленӣ низ идома дорад.

Иттилоъ дода шуд, ки дар ин корхона бештар аз 30 намуди ноқилҳои барқӣ ва қубурҳои полиэтилении шаклу андозаашон гуногун истеҳсол шуда, маҳсулоти ин корхона ивазкунандаи воридот мебошад.

Дар ин ду коргоҳ сохтмон дар ҳоли анҷомёбӣ қарор дошта, рӯзҳои наздик васлу насби хатҳои технологӣ шуруъ мешавад.

Дар ҶДММ «Тиглат» дар ояндаи наздик рангҳои сохтмонӣ истеҳсол мешаванд. То ин замон дастгоҳу таҷҳизот аз Ҷумҳурии Мардумии Чин ва давлати Туркия ворид карда шуда, маҳсулот мутобиқ ба стандартҳои ҷаҳонӣ истеҳсол мегардад.

Дар натиҷаи ба фаъолият оғоз намудани коргоҳи рангбарории ҶДММ «Тиглат» 50 нафар бо ҷойи кор ва маоши хуб таъмин мешавад.

Дар семоҳаи аввали соли 2024 корхонаҳои саноатии шаҳри Гулистон ба маблағи 767 миллиону  288,2 ҳазор сомонӣ маҳсулот истеҳсол намудаанд. 

АКС: Хадамоти матбуоти Раиси вилояти Суғд

Май 18, 2024 15:21

Хабарҳои дигари ин бахш

Дар Тоҷикистон лоиҳаи «Дастгирии соҳаи кишоварзӣ дар заминаи ҷомеа+» то соли 2030 амалӣ мегардад
Дар Душанбе ҳамкорӣ дар самти баланд бардоштани иқтидори рушди бозори қоғазҳои қиматноки давлатӣ баррасӣ шуд
ҶАЛАСАИ ШУРОИ МИЛЛИИ РУШД. Тоҷикистон то соли 2037 ба мамлакати «сабз» мубаддал мегардад
Беларус тасмим гирифтааст, ки дар самти омӯзиши геологии қаъри замин аз таҷрибаи геологҳои тоҷик истифода барад
Сауд ибн Ҳаммуд Ал-Ҳабсӣ талошҳои Тоҷикистонро намунаи олӣ дар самти ҳалли мушкилоти марбут ба об ва тағйирёбии иқлим арзёбӣ намуд
Ҷумҳурии Тоҷикистон бо Салтанати Уммон Ёддошти тафоҳум ба имзо мерасонад
Ҳамкории Тоҷикистон ва Чин дар соҳаи обу энергетика густариш меёбад
Дар Душанбе густариши ҳамкории Тоҷикистон ва Институти ҷаҳонии рушди сабз баррасӣ гардид
Вазири энергетика ва захираҳои об: «Тоҷикистон ба барномаҳои омӯзишӣ ва такмили ихтисоси мутахассисони соҳаи об сармоягузорӣ менамояд»
Байни Тоҷикистон ва Беларус дар соҳаи ҳифзи муҳити зист Ёддошти тафоҳум ба имзо расид
Ҷумҳурии Тоҷикистон дар Озарбойҷон «Боғи дӯстии зардолу» бунёд менамояд
То соли 2032 неруи барқ дар Тоҷикистон пурра аз ҳисоби захираҳои энергетикаи «сабз» истеҳсол карда мешавад

Маводҳои таҳлилӣ