Дар Шаҳринав 360 гектар замини корам бо оби полезӣ таъмин гардид
ШАҲРИНАВ, 19.05.2024 /АМИТ «Ховар»/. Имсол дар ноҳияи Шаҳринав ба воситаи канали Чузӣ 360 гектар замини хоҷагии давлатии ниҳолпарварӣ, ҶДММ «Зарнисори Шаҳринав», «ИИАС-Шаҳринав» ва заминҳои наздиҳавлигию ёрирасони Ҷамоати деҳоти ба номи Акрам Ҳасанов бо оби полезӣ таъмин гардиданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Заминҳо аз сабаби корношоям гардидани каналҳои мавҷуда солҳои зиёд обёрӣ намешуданд ва боғу токзор низ аз норасоии оби полезӣ хушк мегардид. Хушбахтона, бо дастгирии Мақомоти иҷроияи ҳокимияти давлатии ноҳияи Шаҳринав мушкилии чандинсолаи заҳматкашон бартараф гардида, заминҳои зиёд обёрӣ гардиданд, ки дар оянда ба таъмини амнияти озуқаворӣ ва истеҳсоли маҳсулоти кишоварзӣ мусоидат менамоянд.
Имрӯзҳо дар ноҳия тартиби танзими меъёри истифодаи дурусти об муайян шуда, деҳқонон аз рӯйи ҳамин тақсимбандӣ заминҳояшонро об медиҳанд.
Ҳамчунин дар ин давра бо дастгирии мақомоти иҷроияи ҳокимияти давлатии ноҳия пойгоҳи обкашии «Чузӣ-04» пурра таъмир гардида, мавриди истифода қарор дода шуд. Он имрӯзҳо дар ҳолати корӣ мебошад.
Дар ноҳияи Шаҳринав дар ин давра техникаҳои зиёд ба кор ҷалб гардида, корҳои беҳтаргардонии ҳолати мелиоративии заминҳо ва каналу заҳкашҳо анҷом дода шудаанд. Тавассути фаъолияти дурусти онҳо имрӯзҳо кишоварзон бо оби полезӣ таъмин гардидаанд.
АКС: Мақомоти иҷроияи ҳокимияти давлатии ноҳияи Шаҳринав
Кормандони Бонки миллии Тоҷикистон ҷашни Истиқлоли давлатиро бошукуҳ таҷлил намуданд
Эмомалӣ Раҳмон: «Даромади буҷети давлатӣ дар солҳои соҳибистиқлолӣ беш аз 250 баробар зиёд гардид»
Пешвои миллат Эмомалӣ Раҳмон: «То соли 2037 Тоҷикистонро пурра ба кишвари «сабз» табдил медиҳем»
РОҲИ 35-СОЛАИ НИЗОМИ БОНКИИ ТОҶИКИСТОН: аз бунёди низоми мустақили бонкӣ то бонкдории рақамӣ
РУШДИ САНОАТ. Дар давраи Истиқлолияти давлатӣ Душанбе ба маркази воқеии саноат, савдо ва хизматрасонӣ табдил ёфт
Эмомалӣ Раҳмон: «Бо саҳми соҳибкорони ватандӯст ва шахсони саховатпеша зиёда аз 10 ҳазор километр роҳҳои маҳаллӣ навсозӣ гардида, 273 пул бунёд гардид»
Ҷамшед Ҷумахонзода: «Соҳаи сайёҳӣ ба яке аз самтҳои афзалиятноки рушди иқтисоди Тоҷикистон табдил ёфтааст»
Абдураҳмон Абдураҳмонзода: «Тоҷикистон дар солҳои соҳибистиқлолӣ чун давлати дорои суръати баланди рушди иқтисодӣ шинохта шуд»
Истифодаи технологияҳои муосир ва зеҳни сунъӣ самти афзалиятноки сиёсати давлатии Тоҷикистон мебошад
Истиқлол ва рушди саноат: аз сарвати табиӣ то неруи созанда
Эмомалӣ Раҳмон: «То охири сол дар кишвар таъсиси боз 500 корхонаю коргоҳи саноатӣ пешбинӣ шудааст»
Дар ноҳияи Ҷайҳун ба сохтмони хати технологии коркарди нафт санги асос гузошта шуд
