Дар Суғд масъалаи таҳсили ҷавонон дар донишгоҳҳои пешрафтаи Чин баррасӣ шуд
ДУШАНБЕ, 19.05.2024. /АМИТ «Ховар/. Раиси вилояти Суғд Раҷаббой Аҳмадзода бо намояндагони музофоти Шэнсии Ҷумҳурии Мардумии Чин мулоқот намуд, ки зимни он ҷонибҳо масъалаи ҷалби сайёҳони чинӣ ба вилоят, густариши робитаҳо дар бахшҳои маорифу тандурустӣ, таҳсили ҷавонон дар донишгоҳҳои пешрафтаи Чинро муҳокима намуданд, хабар медиҳад АМИТ «Ховар» бо истинод ба хадамоти матбуоти Раиси вилояти Суғд.
Дар вохӯрӣ ҷонибҳо аз таҳкими муносибатҳои дӯстона байни Ҷумҳурии Тоҷикистон ва Ҷумҳурии Мардумии Чин, ки натиҷаи сиёсати хирадмандонаи сарони ду давлат аст, изҳори қаноатмандӣ намуданд.
Таъкид гардид, ки вилояти Суғд бо минтақаҳои гуногуни Ҷумҳурии Мардумии Чин ҳамкории тиҷоратию иқтисодӣ дорад. Ҳамкории тарафҳо дар бахшҳои гуногун, аз ҷумла саноати кӯҳӣ-металлургӣ назаррас буда, байни ду давлат табодули маҳсулот сол ба сол зиёд мегардад.
Маълумот дода шуд, ки дар вилояти Суғд бо дастгирии пайвастаи Пешвои миллат муҳтарам Эмомалӣ Раҳмон соҳаи саноат, аз ҷумла саноати кӯҳкорӣ, истихроҷи ангишт, коркарди пахта рушд карда, вилоят метавонад дар ин замина ҳамкориро тақвият бахшад.
Дар мулоқот ҳамзамон ба масъалаҳои ташкили корхонаҳои истеҳсоли доруворӣ, таҳсили ҷавонон дар донишгоҳҳои пешрафтаи Чин ҳавасмандӣ зоҳир гардида, аз натиҷаи вохӯрӣ протокол ба имзо расонида шуд.
АКС: Хадамоти матбуоти Раиси вилояти Суғд
ИСТИҚЛОЛИЯТ ВА РУШДИ МАОРИФ. Давоми панҷ соли охир маоши омӯзгорон 135 фоиз зиёд гардид
31 август дар тамоми муассисаҳои таълимии Тоҷикистон Рӯзи дониш бо Дарси сулҳ оғоз меёбад
Дар ноҳияи Синои пойтахт Муассисаи таҳсилоти томактабии хусусии «Нури миллат» ба истифода дода шуд
ИСТИҚЛОЛИЯТ ВА РУШДИ МАОРИФ. Давоми 35 сол дар Тоҷикистон шумораи омӯзгорон беш аз 41 ҳазор зиёд гардид
Маркази миллии тестӣ: «Бақайдгирии довталабон барои иштирок дар даври сеюми имтиҳонҳои марказонидаи дохилшавӣ оғоз гардид»
Президенти Ҷумҳурии Тоҷикистон Эмомалӣ Раҳмон дар шаҳри Душанбе ҳафт иншооти соҳаи маорифро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шоҳмансури шаҳри Душанбе Муассисаи таҳсилоти миёнаи умумии рақами 20-ро ба истифода доданд
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
