Дар Тоҷикистон филиалҳои бонкҳои Туркия таъсис меёбанд
ДУШАНБЕ, 08.05.2024 /АМИТ «Ховар»/. Тавсеаи ҳамкории Тоҷикистон ва Туркия дар самти низоми бонкӣ, бахусус кушодани суратҳисобҳои муросилотӣ, таъсиси филиалҳои бонкҳои Туркия дар Тоҷикистон аз ҷумлаи масъалаҳое буд, ки дар мулоқоти Раиси Бонки миллии Тоҷикистон Фирдавс Толибзода бо Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Умут Аҷар дар Душанбе баррасӣ гардид. Дар ин хусус АМИТ «Ховар» бо истинод ба Бонки миллии Тоҷикистон иттилоъ медиҳад.
Ҷонибҳо оид ба ҳолати кунунии низоми бонкӣ дар Тоҷикистон, ҳамкорӣ дар самти рушди иқтисоди «сабз» ва дурнамои ҳамкории бонкӣ байни Тоҷикистон ва Туркия табодули назар намуданд.
Раиси Бонки миллии Тоҷикистон Фирдавс Толибзода сафирро бо вазъи макроиқтисодӣ ва низоми бонкии мамлакат шинос намуда, гуфт, ки қонунгузории Ҷумҳурии Тоҷикистон дар соҳаи бонкдорӣ барои таъсиси бонкҳои хориҷӣ, филиал ва намояндагиҳои онҳо дар Тоҷикистон шароити мусоид фароҳам овардааст.
Бонки миллии Тоҷикистон дар доираи қонунгузории ҷорӣ ва дар ҳамоҳангӣ бо дигар мақомоти давлатӣ омода аст, ки дархостҳоро барои кушодани бонкҳои фаръӣ, филиалу намояндагиҳои бонкҳои Туркия дар Тоҷикистон баррасӣ намояд. Мавҷудияти сармояи хориҷӣ дар иқтисодиёт далели ҷолиб будани он барои сармоягузорони хориҷӣ буда, давлат баробарҳуқуқии сармоягузорони хориҷиву ватаниро кафолат медиҳад.
Сафири Фавқулода ва Мухтори Ҷумҳурии Туркия дар Ҷумҳурии Тоҷикистон Умут Аҷар аз таваҷҷуҳи Бонки миллии Тоҷикистон ва хоҳиши тавсеа бахшидани ҳамкорӣ дар низоми бонкии ду давлат истиқбол намуда, ҳамзамон бахшҳои тиҷорату сайёҳиро дар муносиботи иқтисодии давлатҳо муҳим арзёбӣ намуд.
АКС: Бонки миллии Тоҷикистон/АМИТ «Ховар»
Нахустин мулоқоти ҳамоҳангсозони миллии Маркази минтақавии дипломатияи нақлиётӣ баргузор шуд
Дар Бонки миллии Тоҷикистон тақвияти робитаҳои байнибонкии Тоҷикистон ва Ҳиндустон баррасӣ шуд
Дар Душанбе Намоиши байналмилалии маҳсулоти саноати хӯрокворӣ ва бастабандии «UPAK EXPO 2026» доир гардид
Тоҷикистон ва Ҳиндустон ҳамкориро дар соҳаи технологияҳои рақамӣ ва инноватсия густариш медиҳанд
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
ҚУРБИ АСЪОР: 1 рубли русӣ аз 0.1000 то 0.1007 сомонӣ муқррар шудааст
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
