Дар вилояти Хатлон масоили иқтисодиву сармоягузорӣ баррасӣ шуданд
ДУШАНБЕ, 30.05.2024 /АМИТ «Ховар»/. Раиси вилояти Хатлон Давлаталӣ Саид бо Сафири Иттиҳоди Аврупо дар Тоҷикистон Раймундас Кароблис вохӯрӣ намуд, ки зимни он масоили иқтисодиву сармоягузорӣ, коҳиш додани хатари офатҳои табиӣ, татбиқи лоиҳаҳо, ҳуқуқи инсон, терроризму ифротгароӣ, энергияи «сабз», тандурустӣ, истеҳсол ва коркарди пахта, корхонаҳои саноатӣ, маориф, нақлиёти хизматрасонӣ, кишоварзӣ, таъмини оби ошомиданӣ ва ғайра мавриди таҳлилу баррасӣ қарор гирифтанд. Дар ин хусус ба АМИТ «Ховар» дар хадамоти Раиси вилояти Хатлон иттилоъ доданд.
Дар мулоқот ҷонибҳо бо қаноатмандӣ аз рушди бобарори муносибатҳои бисёрҷонибаи ҳамкорӣ дурнамои робитаҳоро дар бахшҳои ояндадори сиёсӣ, иқтисодӣ, тиҷоратӣ, сармоягузорӣ ва фарҳангию гуманитарӣ баррасӣ намуданд.
Сафири Иттиҳоди Аврупо иброз намуд, ки барои татбиқи лоиҳаҳо дар Тоҷикистон 300 миллион евро ихтисос дода шудааст, ки 115 миллион евро ба вилояти Хатлон рост меояд.
Ин лоиҳаҳо ба беҳбуди таъмини оби ошомиданӣ ва корез дар манотиқи деҳот, бахусус мактабу бемористонҳо нигаронида шудаанд.
АКС: Хадамоти матбуоти Раиси вилояти Хатлон
Стратегияи рушди соҳаи алоқаи Тоҷикистон ба шарикони рушд муаррифӣ карда шуд
Тоҷикистон бо Швейтсария ҳамкориро дар соҳаи энергетика ва захираҳои об густариш медиҳад
Фурӯши ғайриқонунии гиёҳҳои шифобахш пешгирӣ гардид
ИСТИФОДАИ САМАРАНОКИ ЗАМИН. Дар хоҷагиҳои деҳқонии ноҳияи Спитамен кишти зироат идома дорад
Дар бозори марказии Пенза барои фурӯши хушкмеваҳои Тоҷикистон гӯшаҳои махсус ҷудо карда шуданд
Дар Душанбе Фестивали «Саводнокии молиявӣ» баргузор гардид
Вазъи феълӣ ва дурнамои иқтисодиёти Тоҷикистон дар мулоқот бо ҳайати Хазинаи байналмилалии асъор баррасӣ гардид
«Саноатсодиротбонк» барои хизматрасонӣ ба занони соҳибкор сазовори ҷойи сеюм шуд
Сарбанди Деҳқонобод дар обёрии беш аз 40 ҳазор гектар заминҳои кишоварзии Ҳамадонӣ, Фархор ва Восеъ нақши муҳим дорад
Намояндаи SECO нишондиҳандаҳои мусбати бахши бонкии Тоҷикистонро баланд арзёбӣ намуд
Сарвазири Тоҷикистон бо фаъолияти ҶДММ «Парки нассоҷии шаҳри Кӯлоб» шинос гардид
Дар мулоқоти муовини якуми Сарвазири Тоҷикистон бо ҳайати ХБА масоили динамикаи нишондиҳандаҳои макроиқтисодӣ баррасӣ шуд
