«ИЛМ-ФУРӮҒИ МАЪРИФАТ». Дар даври шаҳрии озмуни ҷумҳуриявӣ дар Хоруғ 189 довталаб иштирок дорад
ХОРУҒ, 23.05.2024. /АМИТ «Ховар»/. Даври шаҳрии озмуни ҷумҳуриявии «Илм-фурӯғи маърифат» дар Муассисаи давлатӣ- таълимии “Литсей барои хонандагони болаёқат”-и шаҳри Хоруғи Вилояти Мухтори Кӯҳистони Бадахшон оғоз гардид, ки дар он 189 хонандаи муассисаҳои таълимӣ, омӯзгорону донишҷӯён ва докторантҳо иштирок намуда, аз рӯйи номинатсияҳои интихобнамуда ҳунари китобхонӣ ва ихтироъкориро манзури ҳакамони нуктасанҷ мегардонанд, хабар медиҳад мухбири минтақавии АМИТ «Ховар» Файз Мирасан.
Озмуни ҷумҳуриявии «Илм-фурӯғи маърифат» соли дуюм аст, ки бо мақсади ҷалби ҳарчи бештари хонандагону донишҷӯён, аспирантону докторантон ва намояндагони қишрҳои дигари ҷомеа, ки ба омӯзиши фанҳои риёзӣ, дақиқ ва табиӣ, инчунин ихтироъкориву навоварӣ шавқу рағбат доранд, баргузор мешавад.
Дар долони ин муассисаи таълимӣ дастовардҳои хонандагони муассисаҳои таълимии шаҳр ба намоиш гузошта шуд.
Изҳор гардид, ки озмун бо пешниҳоди Президенти Ҷумҳурии Тоҷикистон муҳтарам Эмомалӣ Раҳмон бо мақсади боз ҳам бештар ба омӯзиши илмҳои риёзиву дақиқ ва табиӣ ҷалб кардани наврасону ҷавонон, олимону муҳаққиқон ва устодону омӯзгорон гузаронида мешавад. Ҳадафи озмун, пеш аз ҳама, баланд бардоштани сатҳу савод ва маърифатнокии қишрҳои гуногуни ҷомеа ва бахусус кӯдакону наврасон ва ба ин васила дар ояндаи наздик таъмин кардани ҳамаи бахшҳои муҳими давлатӣ бо мутахассисони варзида ва рушди техникаву технологияи муосир дар мамлакат мебошад. Бо фарқ аз дигар озмунҳо довталабони ин озмун аз рӯйи номинатсияҳои илмҳои дақиқ- математика, физика, астрономия, география, технологияи иттилоотӣ ва ихтироъкориву навоварӣ сатҳи дониш ва истеъдоду маҳораташонро ба намоиш мегузоранд.
Ҳамзамон аз ҳайати ҳакамон тақозо карда шуд, ки дониши довталабонро ҳаматарафа санҷида, ба онҳо баҳои холисона диҳанд, беҳтаринҳоро интихоб карда, ба озмуни вилоятӣ роҳхат диҳанд.
Дар озмуни имсола 189 довталаб иштирок менамояд, ки 116 нафараш хонандаи муассисаҳои таҳсилоти миенаи умумӣ, 47 нафар донишҷӯ ва 3 нафар доктори илм мебошад.
Ба ҳамин тартиб, довталабон ба гурӯҳҳо ҷудо шуданд ва рақобат оғоз ёфт. Озмуни шаҳрӣ ду рӯз идома ёфта, ғолибон ба даври вилоятӣ роҳхат мегиранд.
АКС: АМИТ «Ховар»
ФАННИ «ОМОДАГИИ ИБТИДОИИ ҲАРБӢ». Хонандагон дар ин дарс чиро меомӯзанд?
Олимони тоҷик дар Намоишгоҳи байналмилалии ихтироъкории Ховари Миёна 2 медали тилло ва як нуқра ба даст оварданд
Оид ба мониторинги ҳуқуқҳои кӯдак тренинги омӯзишӣ баргузор шуд
Дар Донишгоҳи давлатии Бохтар бахшида ба Рӯзи Артиши миллӣ барномаи ҳарбӣ-ватандӯстӣ доир шуд
Озмуни ҷумҳуриявии «Муаллими сол» ҷамъбаст гардид
«EDONISH». Тавассути ин барнома ба хонандагон зиёда аз 27 миллион баҳо гузошта шуд
Моҳи май дар Душанбе Форуми «Фонди байналмилалӣ оид ба ҳамкории гуманитарӣ — фарҳангӣ» доир мешавад
«ҲУНАРМАНДИ ХАЛҚӢ». Навраси тоҷик дар озмуни эҷодиёти умумирусиягӣ ғолиб гардид
Донишкадаи кӯҳию металлургии Тоҷикистон бо 75 корхонаи саноатӣ ҳамкорӣ дорад
Ҳамкории Донишгоҳи байналмилалии сайёҳӣ ва соҳибкории Тоҷикистон бо Донишгоҳи иқтисод ва хизматрасонии Тирмиз тақвият меёбад
НИШАСТИ МАТБУОТӢ. Дар ноҳияи Рӯдакӣ 79 синфхона ба маблағи беш аз 7 миллион сомонӣ аз ҳисоби аҳолӣ сохта шуд
НИШАСТИ МАТБУОТӢ. Дар Донишгоҳи давлатии тиббии Тоҷикистон 13 лоиҳаи илмӣ татбиқ гардид
