Изҳороти матбуотии Вазорати корҳои хориҷии Ҷумҳурии Тоҷикистон
ДУШАНБЕ, 20.05.2024 /АМИТ «Ховар»/. Ҷумҳурии Тоҷикистон бо таваҷҷуҳи махсус натиҷаҳои ҷустуҷӯи чархболи Президенти Ҷумҳурии Исломии Эронро пайгирӣ менамояд, хабар медиҳад АМИТ «Ховар» бо истинод ба Вазорати корҳои хориҷии Ҷумҳурии Тоҷикистон.
Аз ҷумла, дар Вазорати корҳои хориҷии Ҷумҳурии Тоҷикистон таъкид намуданд, ки «аз шунидани хабари нишасти изтирории чархбол бо Президенти Ҷумҳурии Исломии Эрон ва ҳайати ҳамроҳаш сахт нигарон ҳастем.
Тоҷикистон бо таваҷҷуҳи махсус натиҷаҳои ҷустуҷӯи он чархболро пайгирӣ мекунад. Мо умед бар он дорем, ки Раисҷумҳури Эрон ва ҳайати ҳамроҳаш сиҳату саломат ҳастанд.
Ҷумҳурии Тоҷикистон барои расонидани тамоми кумакҳои зарурӣ ба давлати дӯсту бародар изҳори омодагӣ менамояд.
Мо дар канори Эрон ва мардуми онем».
Ёдовар мешавем, ки ҳодиса бо чархболи Раисиҷумҳури Эрон Сайид Иброҳим Раисӣ рӯзи якшанбе дар минтақаи Верзеган, воқеъ дар вилояти Озарбойҷони Шарқии Эрон рух додааст.
АКС аз манбаъҳои боз
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
