Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Вазорати маорифи Федератсияи Русия созишномаи ҳамкорӣ ба имзо мерасонанд
ДУШАНБЕ, 29.05.2024 /АМИТ «Ховар»/. Зимни вохӯрии Раиси Кумитаи таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон академик Фарҳод Раҳимӣ бо муовини Вазири маорифи Федератсияи Русия Денис Грибов доир ба ҳамкории мутақобилан судманд музокирот доир гардид. Ҷонибҳо ба мувофиқа расиданд, ки ояндаи наздик байни Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон ва Вазорати маорифи Федератсияи Русия созишномаи ҳамкорӣ ба имзо расонанд.
Дар ин хусус ба АМИТ «Ховар» дар Кумитаи таҳсилоти ибтидоӣ ва миёнаи касбӣ хабар доданд.
Қабл аз оғози вохӯрӣ меҳмонон бо намоиши дастовардҳои хонандагони Литсейи туризм шинос шуда, ба ҳунари онҳо баҳои баланд доданд.
Академик Фарҳод Раҳимӣ ба меҳмонон дар бораи фаъолияти кумита, коллеҷҳо ва литсейҳои касбӣ маълумоти муфассал пешниҳод намуда, таъкид кард, ки имрӯз Федератсияи Русия яке аз шарикони боэътимоди стратегии Ҷумҳурии Тоҷикистон ба ҳисоб меравад.
Фарҳод Раҳимӣ таъкид намуд, ки имрӯз Ҳукумати Ҷумҳурии Тоҷикистон хусусан Пешвои миллат муҳтарам Эмомалӣ Раҳмон дар мамлакат тамоми шароиту имкониятро барои донишомӯзӣ ва аз бар намудани касбҳои нави ба талаботи бозори меҳнат ҷавобгӯ муҳайё намудаанд ва шаҳрвандон метавонанд аз ин ҳама шароиту имконият васеъ истифода баранд.
Муовини Вазири маорифи Федератсияи Русия Денис Грибов оид ба ҳамкории судманди Тоҷикистон ва Русия дар соҳаи маориф ва илм сухан гуфт. Денис Грибов вусъати ҳамкории ду давлати ба ҳам дӯстро хуб арзёбӣ намуда, таъкид кард, ки мо омодаем омӯзгорону донишҷӯёнро барои табодули таҷриба дар Федератсияи Русия қабул намоем.
Зимни вохӯрӣ ҷониби Русия барои ташкили филиалҳои коллеҷҳои Русия дар Ҷумҳурии Тоҷикистон изҳори омодагӣ намуд.
Дар фарҷоми вохӯрӣ ҷонибҳо пешниҳод намуданд, ки ба таври онлайн семинар, ҳамоиш ва конференсияҳои байналмилалӣ баргузор намоянд.
АКС: Кумита оид ба таҳсилоти ибтидоӣ ва миёнаи касбии назди Ҳукумати Ҷумҳурии Тоҷикистон
Сулаймон Зиёзода бо ҷараёни сохтмони синфхонаҳои иловагӣ дар ноҳияи Рашт шинос гардид
Малайзия барои таҳсили шаҳрвандони Тоҷикистон дар зинаи магистратура бурсия ҷудо намуд
Дар Донишкадаи кӯҳию металлургӣ Озмоишгоҳҳои технологияи металлҳои қиматбаҳо кушода шуд
Ҳайати Тоҷикистон дар ҷаласаи дуюми вазирони илм, технология ва инноватсия дар Чин иштирок дорад
Дар Донишгоҳи давлатии Кӯлоб таваҷҷуҳ ба таҳияи корҳои илмӣ меафзояд
ТАЪТИЛИ ТОБИСТОНА. Аз 12 июн то 4 август кӯдакону наврасони пойтахт ба истироҳатгоҳҳои тобистона фаро гирифта мешаванд
Пагоҳ даври дуюми бақайдгирии довталабон барои иштирок дар Имтиҳонҳои марказонидаи дохилшавӣ оғоз мегардад
Барои омода намудани кӯдак ба синфи якум чӣ бояд кард?
34 нафар аз Донишгоҳи техникии Тоҷикистон ба даври сеюми Озмуни ҷумҳуриявии «Илм фурӯғи маърифат» роҳхат гирифтанд
1 июл даври асосии Имтиҳонҳои марказонидаи дохилшавӣ оғоз мегардад
Дар Душанбе бо мақсади пешгирии ҳуқуқвайронкунӣ байни ноболиғон вохӯрӣ доир шуд
Хонандагони тоҷик дар Олимпиадаи байналмилалӣ аз фанни химия сазовори ду медал гардиданд
