Лӯлаҳои обгузари Ҷамоати деҳоти Боғистони ноҳияи Шаҳринав таъмир мешаванд
ШАҲРИНАВ, 13.05.2024 /АМИТ «Ховар»/. Бо мақсади бо оби полезӣ таъмин намудани заминҳои Ҷамоати деҳоти Боғистони ноҳияи Шаҳринав тариқи қубурҳои об аз канали Чузӣ корҳои тозакуниву таъмири лӯлаҳо гузаронида шуданд. Дар ин хусус ба хабарнигори минтақавии АМИТ «Ховар» Субҳониддини Маҳмуд дар Мақомоти иҷроияи ҳокимияти давлатии ноҳияи Шаҳринав иттилоъ доданд.
Масъулин зимни омодагӣ ба мавсими обёрӣ тавассути техникаҳои боркашонӣ дохили қубурҳои обгузарро, ки аз зери роҳи оҳан мегузаранд, аз лою гил тоза намуданд. Ҷараёни иҷрои тадбирҳои обёрии заминҳо таҳти назорати доимии раиси ноҳия ва ситоди доимӣ қарор дорад.
Ҳамчунин таҳти раёсати Комиссияи ҳолатҳои фавқулодаи ноҳияи Шаҳринав бо мақсади пешгирӣ аз ҳолатҳои табиӣ ва селу обхезӣ ҷаласаи ситоди фаврии Комиссияи ҳолатҳои фавқулода ва мудофиаи гражданӣ баргузор гардид.
Иброз гардид, ки бо мақсади пешгирӣ ва коҳиш додани хавфи ҳолатҳои табиӣ, инчунин рафъи ҳолатҳои фавқулода дар каналҳои Мулло Шодӣ, Заркамар ва мавзеъҳои селпартои ҳудуди ҷамоатҳои деҳоти ба номи Акрам Ҳасанов ва Боғистон бояд ба таври фаврӣ корҳои таъмиру тозакунӣ анҷом дода шаванд.
Ҳамзамон дастур дода шуд, ки дар маҳалҳо гурӯҳҳои корӣ таъсис ёфта, барои пешгирии хавфи ҳолатҳои табиӣ ва рафъи ҳолатҳои фавқулода дар маҳал кор баранд.
АКС: Мақомоти иҷроияи ҳокимияти давлатии ноҳияи Шаҳринав
Дар ҳошияи Соли фарҳанги китобхонӣ маҷмӯаи «Нома ба насли оянда» аз чоп баромад
Таҳти унвони «Забон, Ваҳдат ва суботи миллӣ» конференсияи илмию амалии ҷумҳуриявӣ доир шуд
Бахшида ба Рӯзи Ваҳдати миллӣ дар Саридораи геология ҳамоиш баргузор гардид
Дар Донишгоҳи технологии Тоҷикистон бахшида ба Рӯзи Ваҳдати миллӣ конфронси илмӣ-назариявӣ доир шуд
Бахшида ба Рӯзи Ваҳдати миллӣ китоби «Ваҳдатсаро» ба нашр расид
Кормандони Кумитаи ҳолатҳои фавқулода ва мудофиаи гражданӣ ҳаёти 16 нафарро ҳангоми ғарқшавӣ аз марг наҷот доданд
Дар Душанбе сеюмин Форуми Тоҷикистон ва Чин оид ба таҳсилоти муҳандисӣ-техникӣ доир шуд
Сулҳи тоҷикон барои давлатҳои ҷаҳон ҳамчун таҷриба пазируфта шудааст
Дар Донишкадаи давлатии фарҳанг ва санъати Тоҷикистон Рӯзи Ваҳдати миллиро ҷашн гирифтанд
Имрӯз дар ноҳияҳои кӯҳии Тоҷикистон ҳаво то 31 дараҷа гарм мешавад
Тоҷикистон то соли 2032 ба кишвари тавлидкунандаи энергияи «сабз» табдил хоҳад ёфт
«САЁҲАТ БА ҚАЛБИ АВРУОСИЁ». Иштирокчиёни экспедитсия бо фарҳанг ва анъанаҳои мардуми Қазоқистон шинос шуданд
