Оилаи Абдуғаффор Қаюмов дар ноҳияи Ҷайҳун аз соли 1982 ба парвариши кирмаки пилла машғул аст
ДУШАНБЕ, 06.05.2024 /АМИТ «Ховар»/. Дар ноҳияи Ҷайҳун оилаи Абдуғаффор Қаюмов аз соли 1982 инҷониб ба парвариши кирмаки пилла машғул аст. Онҳо соли 2023 4 қуттӣ кирмак гирифта, аз он 130 килограмм пилла ба даст оварданд. Имсол 3 қуттӣ гирифта, мақсад доранд, ки аз он 120 килограмм пилла ҷамъоварӣ намоянд. Дар ин хусус АМИТ «Ховар» бо истинод ба хадамоти матбуоти Раиси вилояти Хатлон хабар медиҳад.
Ҳамчунин аҳли ин хонавода дар 0,24 гектар замини наздиҳавлигияшон картошка, помидор ва лӯбиё кишт намудаанд.
Сокини дигари ноҳияи Ҷайҳун Собир Ҳасанов дар 0,05 гектар замини назди манзили истиқоматиаш гармхонаи лимӯ бо 60 бех ниҳоли лимӯ ташкил намуда, имсол 4,5 тонна ҳосил ба даст овард.
Зимни суҳбат бо пиллапарварон Раиси вилояти Хатлон Давлаталӣ Саид иброз дошт, ки пиллапарварӣ ҳамчун соҳаи сердаромаду афзалиятноки иқтисодӣ барои бо ашёи хом таъмин намудани корхонаҳои саноатии мамлакат, рушди саноати сабук, истеҳсоли матоъҳои аз ҷиҳати экологӣ ба саломатӣ безарар ва таъмини садҳо нафар бо ҷойи кор нақши муассир дорад.
«Тоҷикистон барои рушди ин соҳа шароити мусоид дорад. Масъулони соҳаро мебояд заминаи хӯроки кирмаку тақсимоти саривақтии тухмии онро афзун намуда, фаъолияти парваришгоҳҳои махсуси кирмакро рушд бахшанд. Ба ин восита корхонаҳои саноатии мамлакат бо ашёи хом таъмину барои ҳазорон нафар ҷойи нави кор муҳайё карда мешавад»,- афзуд раиси вилоят.
АКС: Хадамоти матбуоти Раиси вилояти Хатлон
Қоҳир Расулзода бо вазири федералии энергетикии Покистон Авайс Аҳмад Хан Леғарӣ мулоқот намуд
Ҷаласаи Гурӯҳи кории намояндагони мақомоти гумруки Тоҷикистон ва Узбекистон баргузор гардид
Дар Душанбе рафти татбиқи лоиҳаҳои муштарак бо Бонки Олмонии рушд баррасӣ гардид
Аҳамияти муҳими «CASA -1000» дар ҷаласаи 8-уми Комиссияи муштараки ҳамкории иқтисодии Тоҷикистон ва Покистон баррасӣ шуд
«Амонатбонк» ҳамкориро бо Бонки кишоварзии Чин тақвият медиҳад
Ҳаракати қатораи мустақими мусофирбар дар масири Душанбе — Москва барқарор карда шуд
Шурои Гурӯҳи Бонки ҷаҳонӣ Барномаи шарикии кишварӣ барои Тоҷикистонро қабул намуд
Барои ҳаракати нақлиёти боркаши гаронвазн дар роҳҳои мошингард маҳдудият ҷорӣ гардид
Ҷаласаи 8-уми Комиссияи муштараки ҳамкории тиҷоратӣ, иқтисодӣ ва илмӣ-техникии Тоҷикистон ва Покистон баргузор шуд
Дар ноҳияи Зафаробод ҷамъоварии ҳосили ғалладонагиҳо оғоз гардид
«ХАТЛОН — САРЗАМИНИ ТАМАДДУНҲО ВА САЁҲАТ». Дар Чилдухтарон форум ва намоишгоҳи байналмилалии сайёҳӣ баргузор мешавад
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
