РӮЗИ ҶАВОНОН ТОҶИКИСТОН. Дар ноҳияи Муъминобод бахшида ба он ҳамоиши фарҳангӣ доир шуд
МУЪМИНОБОД, 23.05.2024 /АМИТ «Ховар»/. Имрӯз, 23 май бахшида ба Рӯзи ҷавонони Тоҷикистон дар Қасри фарҳанги ноҳияи Муъминобод барномаи фарҳангӣ баргузор гардид, хабар медиҳад мухбири минтақавии АМИТ «Ховар» Сулаймон Холзода.
Иброз гардид, ки Тоҷикистон мамлакати ҷавонон буда, бо назардошти саҳм ва нақши онҳо дар ҳаёти ҷомеа ва давлат ин қишр дар сиёсати пешгирифтаи давлату ҳукумати Тоҷикистон ҷойгоҳи авлавиятнок дорад. Аз ин рӯ ҷавононро зарур аст, ки ҳарчи бештар дар пешрафти ҷомеа саҳм гузоранд ва Ватанамонро муҳофизат намоянд.
Ҷавонон бояд бештар ба варзиш ва обу тоби бадан машғул гарданд. Бояд гуфт, ки 60% аҳолии ноҳияи Муъминободро ҷавонон ташкил медиҳанд. Онҳо ҳамасола дар мусобиқаҳои варзишӣ ва ҷумҳуриявӣ иштирок намуда, ҷойҳои ифтихорӣ ва медалҳоро соҳиб мешаванд, ки ин мояи ифтихори сокинони ноҳия мебошад.
Дар анҷоми барнома аз ҷониби Мақомоти иҷроияи ҳокимияти давлатии ноҳияи Муъминобод ба як зумра фаъолон ва варзишгарони ҷавон Ифтихорнома тақдим гардид. Инчунин ба хонандагони фаъоли муассисаҳои таҳсилоти умумии ноҳия стипендияи раиси ноҳия супорида шуд.
АКС: АМИТ «Ховар»
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
