35-СОЛАГИИ ИСТИҚЛОЛИ ДАВЛАТӢ. Дар Конибодом биноҳои замонавӣ ба истифода дода мешаванд
ДУШАНБЕ, 07.06.2024 /АМИТ «Ховра»/. Бо мақсади дар сатҳи баланд пешвоз гирифтани ҷашни 35-солагии Истиқлоли давлатии Тоҷикистон дар шаҳри Конибодом бинои истиқоматии 5-ошёна бо маркази савдо ва хизматрасонӣ мавриди истифода қарор дода шуд. Дар хусус ба АМИТ «Ховар» дар хадамоти матбуоти Раиси вилояти Суғд иттилоъ доданд.
Бино аз ҷониби соҳибкор Абдумаҷид Қаҳҳоров ва фарзандони ӯ сохта шудааст. Дар ошёнаи якуми бино маркази савдо ва хизматрасонӣ, толори ҳусн, нуқтаҳои фурӯши таҷҳизоти техникӣ ташкил гардида, 20 нафар соҳиби ҷойи кор шуд.
Ҳамчунин дар деҳаи Сомониёни шаҳри Конибодом сохтмони бинои Муассисаи таҳсилоти миёнаи умумии рақами 48, толори варзиши он ва бинои муассисаи таҳсилоти томактабии рақами 1 идома дорад.
Ба Раиси вилоят иттилоъ дода шуд, ки сокинони шаҳри Конибодом баҳри иҷрои дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон корҳои ободониву созандагиро вусъат мебахшанд.
Гурӯҳе аз сокинони маҳаллаи Гумбазии шаҳр тасмим гирифтаанд, ки бо маблағҳои барои ҳаҷ ҷамъовардаашон роҳи маркази шаҳрро мумфарш намоянд. Дарозии роҳ 1,5 км ва паҳноии он 7 метр аст.
Дар маросими оғози корҳои мумфаршкунӣ Раиси вилояти Суғд низ иштирок карда, ташаббуси сокинонро шоистаи дастгирӣ арзёбӣ намуд.
Иттилоъ дода шуд, ки соҳибкорони маҳалла дар ободонии роҳҳо саҳм гузошта, чанд нафар занон низ маблағҳояшонро дар ин кори хайр сарф кардаанд.
АКС: Хадамоти матбуоти Раиси вилояти Суғд
Сарвари давлат Эмомалӣ Раҳмон дар шаҳри Душанбе ба фаъолияти истеҳсолии ҶДММ «Шаҳдоб» оғоз бахшиданд
Президенти Ҷумҳурии Тоҷикистон Эмомалӣ Раҳмон дар шаҳри Душанбе корхонаи масолеҳи сохтмонии ҶДММ «Эко Блок»-ро мавриди баҳрабардорӣ қарор доданд
Пешвои миллат Эмомалӣ Раҳмон барои бунёди эстакадаҳои дусатҳа ва азнавсозии пули мошингузар дар хиёбони Саъдии Шерозии шаҳри Душанбе санги асос гузоштанд
Дар Хоруғ муассисаҳои соҳаи фарҳанг навсозӣ мешаванд
СОЛИ ОБОДОНИЮ СОЗАНДАГӢ. Дар ноҳияи Ёвон гузаргоҳҳо ва роҳҳои пиёдагард таъмиру навсозӣ мешаванд
Дар вилояти Суғд беш аз 15 ҳазор иншоот бунёд гардидааст
Дар ноҳияи Восеъ муассисаҳои таълимӣ навсозӣ карда мешаванд
Дар ноҳияи Бобоҷон Ғафуров сохтмони бинои нави муассисаи таълимӣ идома дорад
Дар ноҳияи Ёвон навсозии иншооти варзишӣ ва сохтмони муассисаҳои томактабӣ вусъат меёбад
Президенти Ҷумҳурии Тоҷикистон Эмомалӣ Раҳмон дар шаҳри Ваҳдат коргоҳи коркарди моҳии ҶДММ «Баҳор»-ро ифтитоҳ намуданд
Пешвои миллат Эмомалӣ Раҳмон дар шаҳри Ваҳдат ба таври фосилавӣ 16 иншооти таъиноти гуногунро ба истифода доданд
Сарвари давлат Эмомалӣ Раҳмон дар шаҳри Ваҳдат корхонаи истеҳсолии «Алянс мебел»-ро мавриди истифода қарор доданд
