Ҳайати соҳибкорони Амрико ба Тоҷикистон меояд

Июнь 23, 2024 18:00

ДУШАНБЕ, 23.06.2024 /АМИТ «Ховар»/. Рӯзҳои наздик ҳайати соҳибкорони Амрико таҳти роҳбарии директори иҷроияи Шурои тиҷоратии Тоҷикистону Иёлоти Муттаҳидаи Амрико ба Тоҷикистон меояд, иттилоъ медиҳад АМИТ «Ховар» бо истинод ба Кумитаи давлатии сармояугзорӣ ва идораи амволи давлатии Ҷумҳурии Тоҷикистон.

Омодагӣ ба сафари ҳайати соҳибкорони Амрико ба Тоҷикистон дар мулоқоти раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон Султон Раҳимзода бо Сафири фавқулода ва мухтори Иёлоти Муттаҳидаи Амрико дар Ҷумҳурии Тоҷикистон Мануэл Микаллер дар Душанбе баррасӣ гардид.

Ҳадафи сафари доираҳои соҳибкории Амрико ба Тоҷикистон шиносоӣ бо фазо ва имкониятҳои сармоягузорӣ, фаъолияти соҳибкорӣ ва лоиҳаҳои афзалиятнок дар Тоҷикистон арзёбӣ мегардад.

Зимни мулоқот ҷонибҳо вазъи кунунӣ ва густариш додани ҳамкорӣ байни Кумитаи давлатии сармоягузорӣ ва идораи амволи давлатӣ ва сохторҳои дахлдори Амрико, аз ҷумла Палатаи савдои Иёлоти Муттаҳидаи Америка дар Тоҷикистон, Шурои тиҷоратии Тоҷикистону Иёлоти Муттаҳидаи Амрикоро матраҳ намуданд.

Бояд тазаккур дод, ки ҷиҳати ҷалби бештари сармояи хориҷӣ, хусусан сармояи мустақими хориҷӣ, ба иқтисоди миллӣ, ҳамкорӣ бо сохторҳои болозикр тақвият ёфта истодаанд.

АКС: Кумитаи давлатии сармояугзорӣ ва идораи амволи давлатии Ҷумҳурии Тоҷикистон

Июнь 23, 2024 18:00

Хабарҳои дигари ин бахш

Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОАТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод