Ҷаласаи Шуро оид ба технологияҳои иттилоотию коммуникатсионии назди Вазорати маориф ва илм доир гардид
ДУШАНБЕ, 21.06.2024 /АМИТ «Ховар»/. Имрӯз дар шаҳри Душанбе ҷаласаи Шуро оид ба технологияҳои иттилоотию коммуникатсионии назди Вазорати маориф ва илми Ҷумҳурии Тоҷикистон баргузор гардид, ки дар он ҳолати пайвастшавии муассисаҳои таҳсилоти умумии Ҷумҳурии Тоҷикистон ба Шабакаи интернет мавриди баррасӣ қарор гирифт, иттилоъ медиҳад хабарнигори АМИТ «Ховар».
Дар ҷаласа Вазири маориф ва илми ҷумҳурӣ Раҳим Саидзода изҳор дошт, ки тарбияи мутахассисони соҳибмаълумот, баланд бардоштани сатҳи донишу малакаи касбӣ ва густариши тафаккури техникии ҷомеа, аз ҷумлаи масъалаҳои мубраме мебошанд, ки рушди имрӯзу фардои иқтисодиву иҷтимоии мамлакат аз ҳалли онҳо вобаста мебошад.
Ба иттилои Вазири маориф ва илм, бо мақсади ноил шудан ба сифати нави таълим тавассути ҷорӣ намудани технологияи иттилоотӣ ва коммуникатсионӣ дар муассисаҳои таҳсилотӣ бо қарори Ҳукумати Ҷумҳурии Тоҷикистон аз 31 августи соли 2022 «Консепсияи гузариш ба таҳсилоти рақамӣ дар Ҷумҳурии Тоҷикистон барои давраи то соли 2042» тасдиқ ва амалӣ шуда истодааст.
Ҳамзамон бо қарори Ҳукумати Ҷумҳурии Тоҷикистон 20 марти соли 2024 «Барномаи ҷорӣ намудани технологияҳои иттилоотӣ ва коммуникатсионӣ дар муассисаҳои таҳсилоти умумии Ҷумҳурии Тоҷикистон барои солҳои 2024-2028» тасдиқ шуда, дар доираи амалишавии он ташкил ва баргузоррии чорабиниҳои зерин, аз ҷумла таҳкими заминаҳои моддӣ-техникӣ, таъмини муассисаҳои таҳсилоти умумӣ бо техникаи компютерӣ, ташкили шабакаҳои иттилоотӣ ва пайвастшавии онҳо ба шабакаи Интернет ва таъмини амнияти иттилоотӣ ба нақша гирифта шудааст.
Таъкид гардид, ки идоракунии иттилоот яке аз самтҳои асосӣ ва қисми муҳимтарини рақамикунонӣ дар соҳаи маорифи мамлакат ба ҳисоб меравад. Айни замон бо мақсади ҳифзи иттилоот ва амнияти иттилоотӣ дар соҳаи маориф барномаи «Системаи иттилоотии соҳаи маориф ва илм» амал менамояд.
Дар ҷаласа нақшаи Шуро оид ба технологияҳои иттилоотию коммуникатсионии назди Вазорати маориф ва илми Ҷумҳурии Тоҷикистон тасдиқ гардида, дар ҷараёни он масъалаи ҳолати пайвастшавии муассисаҳои таҳсилоти умумии Тоҷикистон ба Шабакаи интернет мавриди баррасӣ қарор гирифт.
Инчунин дар кори ҷаласа «Барномаи ҷорӣ намудани технологияҳои иттилоотӣ ва коммуникатсионӣ дар муассисаҳои таҳсилоти умумии Ҷумҳурии Тоҷикистон барои солҳои 2024-2028» ва шакли навшуда ва муосири Низоми иттилооти идоракунии маориф ва илм муаррифӣ гардид.
АКС: АМИТ «Ховар»
35-СОЛАГИИ ИСТИҚЛОЛИ ДАВЛАТӢ. Дар якчанд муассисаи таълимии шаҳри Истаравшан корҳои сохтмонӣ идома доранд
Дар шаҳри Левакант муассисаи давлатии таҳсилоти томактабӣ ба истифода дода шуд
Байни Академияи идоракунии давлатӣ ва Дафтари барномаҳои САҲА нақшаи чорабиниҳои муштарак ба имзо расид
Президенти Ҷумҳурии Тоҷикистон Эмомалӣ Раҳмон дар ноҳияи Данғара бинои муассисаи томактабии «Зирамоҳ»-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии «Орзу»-ро мавриди истифода қарор доданд
«ИСТИҚЛОЛИ ДАВЛАТӢ: СУЛҲУ СУБОТ ВА АМНИЯТИ ҶОМЕА ДАР МЕҲВАРИ АРЗИШҲОИ МИЛЛӢ». Бо чунин унвон ҳамоиш доир гардид
Президенти Ҷумҳурии Тоҷикистон Эмомалӣ Раҳмон дар ноҳияи Данғара муассисаи таҳсилоти миёнаи умумии рақами 95-ро ба истифода доданд
Пешвои миллат Эмомалӣ Раҳмон дар ноҳияи Данғара муассисаи таҳсилоти томактабии хусусии Cокина ва китобхонаи деҳаи Хуррамзаминро ба истифода доданд
Пешвои миллат Эмомалӣ Раҳмон дар шаҳри Левакант бинои нозироти андоз ва бинои нави иловагии таълимӣ дар назди муассисаи таҳсилоти миёнаи умумии №10-ро ифтитоҳ намуданд
Маҷлиси Ҳукумати Ҷумҳурии Тоҷикистон баргузор гардид
ИСТИҚЛОЛИЯТ ВА РУШДИ МАОРИФ. Давоми 26 сол дар ноҳияи Восеъ 16 муассисаи нав бунёд карда шуд
Дар Хатлон 37 хатмкунанда соҳиби аттестати аълои универсалӣ ва равиявӣ гардид
