Ҳамоҳангсози доимии Созмони Милали Муттаҳид барои саҳм гузоштан дар рушди устувори иқтисодии Тоҷикистон изҳори омодагӣ намуд
ДУШАНБЕ, 05.06.2024. /АМИТ «Ховар»/. 4 июн вохӯрии Вазири рушди иқтисод ва савдо Завқӣ Завқизода бо Ҳамоҳангсози доимии Созмони Милали Муттаҳид дар Тоҷикистон Парвати Рамасвами баргузор гардид, ки дар ҷараёни он ҷонибҳо масъалаи ҷалби маблағҳои грантӣ вобаста ба лоиҳаҳои нави афзалиятнок дар асоси ҳадафҳои рушди мамлакатро баррасӣ намуданд. Дар ин хусус АМИТ «Ховар» бо истинод ба Вазорати рушди иқтисод ва савдо хабар медиҳад.
Дар вохӯрӣ ҳамчунин масъалаҳои густариши ҳамкорӣ байни Ҷумҳурии Тоҷикистон ва Созмони Милали Муттаҳид, дурнамои чаҳорчӯбаи ҳамкории миёнамуҳлат ва корҳои омодагӣ доир ба баргузории ҷаласаи навбатии Шурои миллии рушди назди Президенти Ҷумҳурии Тоҷикистон муҳокима гардиданд.
Парвати Рамасвами омодагии худро барои саҳмгузорӣ дар рушди устувори иқтисодии мамлакат ва мусоидат дар омода ва баргузор намудани ҷаласаи навбатии Шурои миллии рушди назди Президенти Ҷумҳурии Тоҷикистон баён намуд.
Дар охир ҷонибҳо омодагии худро барои мусоидат намудан дар амалӣ гардонидани ҳадафу афзалиятҳои рушди мамлакат ва баргузории ҷаласаи навбатии Шурои миллии рушди назди Президенти Ҷумҳурии Тоҷикистон иброз доштанд.
АКС: Вазорати рушди иқтисод ва савдои Ҷумҳурии Тоҷикистон
Вазорати молия натиҷаҳои таҳқиқоти «Буҷети кушода»-и соли 2025-ро муаррифӣ намуд
Тоҷикистон ва Чин ҳамкориро барои рушди энергетикаи «сабз» густариш медиҳанд
Дар Боку ҳамкории Тоҷикистон ва Озарбойҷон дар соҳаи меъморӣ ва сохтмон баррасӣ гардид
Бахшида ба Солҳои рушди иқтисоди рақамӣ ва инноватсия дар Маркази тадқиқоти стратегӣ ҳамоиш доир шуд
Дар Тоҷикистон мактаби технологияҳои рақамӣ бо тарҳ ва усулҳои муосир таъсис дода мешавад
Нақшаи истеҳсоли пилла дар шаҳри Левакант пурра иҷро гардид
Тоҷикистон ҳамкориро бо БАТР дар бахши энергетика тақвият медиҳад
Ноҳияи Данғара нақшаи истеҳсоли пилларо пурра иҷро намуд
Ҷамъоварии картошка ва пиёз дар ҳама шаклҳои хоҷагидории ноҳияи Панҷ идома дорад
20 май — Рӯзи умумиҷаҳонии метрология: дар Тоҷикистон соҳаи метрология рушд меёбад
Раванди ислоҳоти низоми гумрукӣ ва татбиқи барномаҳои рақамикунонӣ бо Бонки ҷаҳонӣ баррасӣ шуд
Масоили омодагӣ ба баргузории Конфронси чоруми байналмилалии сатҳи баланд оид ба об баррасӣ гардид
