«БАРНОМАСОЗИ ҶАВОН». Даври ҷумҳуриявии озмун бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» доир гардид

Июнь 1, 2024 08:49

ДУШАНБЕ, 01.06.2024 /АМИТ «Ховар»/.  Бо мақсади иҷрои Фармони Президенти Ҷумҳурии Тоҷикистон оид ба эълон гардидани «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020-2040) озмуни ҷумҳуриявии «Барномасози ҷавон» баргузор гардид. Озмун бо ибтикори Маркази ҷумҳуриявии технологияи информатсионӣ ва коммуникатсионии назди Вазорати маориф ва илми Ҷумҳурии Тоҷикистон барои расонидани ёрии амалӣ ба омӯзгорону хонандагон дар самти татбиқи васеи барномаҳои муосири электронӣ дар раванди таълиму тарбияи наврасону ҷавонон гузаронида шуд. 

Тавре ба АМИТ «Ховар» дар Маркази ҷумҳуриявии технологияи информатсионӣ ва коммуникатсионии назди Вазорати маориф ва илми Ҷумҳурии Тоҷикистон иттилоъ доданд, ҳадафи озмун тавсеаи тафаккури техникии насли наврас, баланд бардоштани сатҳи фарҳанги техникӣ, шавқу ҳаваси хонандагони муассисаҳои таҳсилоти умумӣ ба омӯзиши фанни технологияи иттилоотӣ, шиносоии бештари хонандагон бо кашфиёти илмҳои муосир, ташаккули тафаккури мантиқии хонандагон, бедор намудани шавқу завқи онҳо дар ҳалли масъалаҳои мураккаби фаннӣ, баёни озодонаи фикр, аз худ намудани технологияи иттилоотӣ-коммуникатсионӣ, истифодаи комёбиҳои соҳаҳои гуногуни илму техникаи муосир, дарёфти хонандагони болаёқат, ки ба омӯзиши фанни технологияи иттилоотӣ шавқу завқ доранд, ташвиқ ва тарғиби хонандагон дар самти созандагию эҷодкорӣ мебошад.

Озмун тибқи талаботи Низомнома барои хонандагони муассисаҳои таҳсилоти умумии мамлакат ташкил шуда, 4 номинатсияро дар бар гирифт:

  1. «Барномасозӣ»
  2.  «Веб-барномасозӣ»
  3. Сохтани манбаи маълумот
  4. Сохтани шабакаҳои иттилоотӣ


Дар озмун аз тамоми гӯшаву канори ҷумҳурӣ хонандагони боистеъдод ҷамъ омада, сабқат намуданд. Дар асоси талаботи озмун фаъолияти довталабон аз назари доварон арзёбӣ гардида, беҳтарин барномасозони оянда ҳамчун ғолибони озмун муайян шуданд.

Ғолибон бо ифтихорномаҳои Вазорати маориф ва илми Ҷумҳурии Тоҷикистон ва  туҳфаҳои хотиравӣ сарфароз гардонида шуданд.

Ёдовар мешавем, ки Ҳукумати Ҷумҳурии Тоҷикистон таҳти роҳбарии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба масъалаи рушди маориф ва илм таваҷҷуҳи хосса зоҳир менамоянд. Ба таъкиди Пешвои миллат, «асри XXI асри технологияи нав ва информатика мебошад. Аз ин рӯ мо бояд барои ҷавонон ҳарчи бештар ғамхорӣ намоем, то онҳо дастовардҳои илму фарҳанги ҷаҳони имрӯзаро пурра аз худ намоянд».

 

АКС: Маркази ҷумҳуриявии технологияи информатсионӣ ва коммуникатсионии назди Вазорати маориф ва илми Ҷумҳурии Тоҷикистон

Июнь 1, 2024 08:49

Хабарҳои дигари ин бахш

Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд