Дабири кулли Машварати ҳамкорӣ ва тадбирҳои боварӣ дар Осиё бо раиси Комиссияи одоби вакилони Маҷлиси намояндагон мулоқот намуд
ДУШАНБЕ, 13.06.2024 /АМИТ «Ховар»/. 12 июн дар ҳошияи иштирок дар Конфронси сеюми байналмилалии сатҳи баланд – Даҳсолаи байналмилалии амал «Об барои рушди устувор, 2018-2028» Дабири кулли Машварати ҳамкорӣ ва тадбирҳои боварӣ дар Осиё Кайрат Сарибай бо раиси Комиссияи одоби вакилони Маҷлиси намояндагони Маҷлиси Олии Ҷумҳурии Тоҷикистон Файзулло Баротзода мулоқот намуд. Дар ин хусус ба АМИТ «Ховар» дар Маҷлиси намояндагон хабар доданд.
Дар мулоқот таъкид гардид, ки Машварати ҳамкорӣ ва тадбирҳои боварӣ дар Осиё созмони бонуфузи минтақавие аст, ки бо ташаббуси Қазоқистон соли 1992 асос гузошта шуда, мақсади он ҳамкории сиёсӣ, низомӣ, иқтисодӣ ва иҷтимоӣ дар доираи мамлакатҳои аъзои созмон мебошад ва таъмини амнияти дастҷамъии Осиёро дар назар дорад.
Ба ин созмони бонуфузи минтақавӣ зиёда аз 30 мамлакат аъзо мебошанд ва ҷаласаҳои он бо раисии давлатҳои бонуфузи ҷаҳонӣ дар солҳои мухталиф доир гардида, масъалаҳои амниятӣ, низомӣ, иқтисодӣ ва иҷтимоӣ баррасӣ мешаванд, ки он натиҷаҳои назаррас ба бор овардааст.
Ҷумҳурии Тоҷикистон дар ҷаласаи панҷуми вазирони корҳои хориҷии Машварати ҳамкории Осиё, ки 5 июни соли 2006 доир гардида буд, ба узвияти он дохил гардид. Ин ифодаи боварии аъзои ин созмон ба Тоҷикистон буда, обрӯ ва нуфузи Тоҷикистонро дар арсаи сиёсати ҷаҳонӣ ва минтақавӣ боз ҳам боло мебарад.
Мақсади ниҳоии Машварати ҳамкорӣ таъмини амнияти қитъаи Осиё мебошад. Барои дар сатҳи зарурӣ татбиқ кардани қарорҳои машварати мазкур роҳбарияти мамлакатҳоро зарур аст, ки бо ноамниҳои минтақавӣ дастҷамъона мубориза баранд.
Терроризму ифротгароӣ таҳдидҳои глобалии замони муосир буда, гардиши ғайриқонунии маводи мухаддир ба он бастагӣ дорад. Яке аз мақсадҳои дигари машварати ҳамкорӣ мубориза ба муқобили теророризму ифротгароӣ ва қочоқи маводи мухаддир мебошад.
Дар доираи машварат тақвияти ҳамкории иқтисодии ин мамлакатҳо бо Тоҷикистон доир мегардад ва ҷалби сармояи мамлакатҳои рушдкарда ба густариши соҳаҳои саноат, энергетика ва туризми Тоҷикистон мусоидат менамояд.
АКС: Маҷлиси намояндагони Маҷлиси Олии Ҷумҳурии Тоҷикистон
Дар иҷлосияи дуюми Маҷлиси намояндагони Маҷлиси Олӣ Созишномаи сармоягузорӣ ба тасвиб расид
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Ҷаласаи навбатии Шурои Маҷлиси намояндагони Маҷлиси Олӣ, даъвати ҳафтум баргузор гардид
Манзараҳои зебои табиати Тоҷикистон дар «Pakistan TV Digital» намоиш дода мешавад
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Дар шаҳри Душанбе ҷаласаи комиссияи экологӣ доир шуд
Намояндаи Қазоқистон Нина Пиманкина: «Дар ташкили конфронсҳои байналмилалӣ мехоҳем аз таҷрибаи Тоҷикистон истифода намоем»
Иштирокдорони Конфронси чоруми оби Душанбе дар Қалъаи Ҳисор бо таърихи халқи тоҷик шинос шуданд
Татбиқи лоиҳаҳои афзалиятноки миллӣ ва минтақавӣ дар соҳаҳои кишоварзӣ, ҷангал ва ҳифзи муҳити зист баррасӣ гардид
Дар ҷаласаи навбатии иҷлосияи дуюми Маҷлиси намояндагон якчанд созишнома ба тасвиб расид
РАВАНДИ ОБИ ДУШАНБЕ. Пагоҳ иштирокдорони Конфронси оби Душанбе бо иқтидори обӣ ва ёдгориҳои таърихию фарҳангии Тоҷикистон шинос мешаванд
