Дар Академияи ВАО-и Тоҷикистон вобаста ба самти сохтмон, меъморӣ ва шаҳрсозӣ машғулияти омӯзишӣ оғоз шуд
ДУШАНБЕ, 18.06.2024 /АМИТ «Ховар»/. Аз 18 июн то 8 июли соли равон дар Муассисаи давлатии «Академияи ВАО-и Тоҷикистон» барои кормандони шабакаҳои телевизионӣ, радиоӣ, агентиҳои иттилоотӣ ва нашрияҳои даврӣ машғулияти омӯзишӣ вобаста ба инъикоси самти сохтмон, меъморӣ ва шаҳрсозӣ баргузор мегардад, иттилоъ медиҳад хабарнигори АМИТ «Ховар».
Машғулиятро устодони Донишгоҳи техникии Тоҷикистон ба номи академик Муҳаммад Осимӣ — мудири кафедраи сохтмони саноатӣ ва шаҳрвандӣ Аҳмадҷон Раҳмонзода ва мудири кафедраи меъмории биноҳо ва иншоот Раҷабалӣ Шокиров гузаронида, ба шунавандагон дар мавзуи мавриди назар дарс хоҳанд гуфт.
Бояд гуфт, ки дарсҳои амалии машғулият дар синфхонаҳои лаборатории факултети сохтмон ва меъмории Донишгоҳи техникии Тоҷикистон ба номи академик Муҳаммад Осимӣ гузаронида мешаванд.
Ёдовар мешавем, ки 1 марти соли 2016 Президенти мамлакат муҳтарам Эмомалӣ Раҳмон зимни ифтитоҳи Муассисаи давлатии «Академияи ВАО- и Тоҷикистон» иброз доштанд, ки «Академияи воситаҳои ахбори оммаи Тоҷикистон воситаи асосии таъмини соҳа бо кадрҳои баландихтисоси касбӣ ба шумор меравад».
Муассисаи мазкур бо ҷалби мутахассисони варзидаи соҳа ҷиҳати ба бозомӯзӣ фаро гирифтани рӯзноманигорони ҷавон ва ҳайати техникии шабакаҳо барои татбиқи усулҳои мусоири журналистика ва истифодаи самараноки технологияҳои иттилоотии замони имрӯз мусоидат менамояд.
АКС: Муассисаи давлатии «Академияи ВАО-и Тоҷикистон»
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
