Масъалаи зиёд намудани парвозҳои транзитӣ бо истифода аз роҳи ҳавоии мустақими байни Тоҷикистон ва Чин баррасӣ гардид
ДУШАНБЕ, 19.06.2024 /АМИТ «Ховар»/. Масъалаҳои марбут ба зиёд намудани парвозҳои транзитӣ бо истифода аз роҳи ҳавоии мустақими байни Тоҷикистон ва Чин дар мулоқоти муовини якуми директори генералии Корхонаи воҳиди давлатии (КВД) «Тоҷикаэронавигатсия» Даврон Шодмонбекзода бо директори CANSO Саймон Хоккар ва муовини директори Саридораи фурудгоҳҳои давлатии Ҷумҳурии Туркия Ҷенгиз Пашаоғлу дар Боку баррасӣ гардид, хабар медиҳад АМИТ «Ховар» бо истинод ба КВД «Тоҷикаэронавигатсия».
Мулоқот дар доираи Саммити ҷаҳонии идоракунии ҳаракати ҳавоии CANSO-2024 (CANSO Global ATM Summit 2024) баргузор гардид.
Инчунин Даврон Шодмонбекзода бо директори генералӣ ва раиси Шурои иҷроияи назорати ҳаракати ҳавоии Ҳоланд Мишел ван Дорст вохӯрӣ намуд. Мишел ван Дорст КВД «Тоҷикаэронавигатсия»- ро бо шомил гардидан ба CANSO табрик намуд. Номбурда оид ба саҳми КВД «Тоҷикаэронавигатсия» дар таъмини бехатарии парвозҳо дар фазои Ҷумҳурии Тоҷикистон, ҳамзамон зиёд гардидани ҳаракати ҳавоӣ ибрози назар ва саҳми корхонаро дар таъмини хизматрасонии аэронавигатсионӣ дар минтақа муҳим арзёбӣ намуд.
Ёдовар мешавем, ки Саммити «CANSO Global ATM Summit 2024» намояндагон ва роҳбарони корхонаҳои аэронавигатсионӣ ва истеҳсолкунандагони таҷҳизоти хизматрасонии аэронавигатсиониро аз 42 давлати олам бо ҳам оварда, зиёда аз 70 нафар мутахассис масоили устувории муҳити зист, бахусус мубориза бо тағйирёбии иқлим, коҳиши партовҳои карбон, ҷорӣ намудани технологияҳои инноватсионӣ дар идоракунии ҳаракати ҳавоӣ ва такмили раванди идоракунии ҳаракати ҳавоӣ бо ҳадафи ноил шудан ба парвозҳои аз ҷиҳати экологӣ тозаро баррасӣ намуданд.
Саммит бо ибтикори ниҳоди Идоракунии ҳаракати ҳавоии «Азераэронавигатсия» (AZANS)-и ширкати Ҷамъияти саҳомии пӯшидаи «Azerbaijan Airlines» дар ҳамокорӣ бо Ташкилоти хизматрасониҳои аэронавигатсионии гражданӣ (CANSO) гузаронида шуд.
АКС: Корхонаи воҳиди давлатии «Тоҷикаэронавигатсия»
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
