Дар Донишгоҳи байналмилалии забонҳои хориҷии Тоҷикистон ҳамоиши илмӣ-амалӣ баргузор шуд
ДУШАНБЕ, 06.06.2024 /АМИТ «Ховар»/. Дар Донишгоҳи байналмилалии забонҳои хориҷии Тоҷикистон ба номи Сотим Улуғзода дар ҳошияи суханронии Асосгузори сулҳу ваҳдати миллӣ-Пешвои миллат муҳтарам Эмомалӣ Раҳмон дар мулоқот бо аҳли илм ва маорифи мамлакат ҳамоиши илмӣ-амалӣ баргузор гардид, хабар медиҳад АМИТ «Ховар» бо истинод ба ин донишгоҳ.
Дар оғози ҳамоиш ректори донишгоҳ Жило Гулназарзода изҳор намуд, ки ҳадафи вохӯрии Пешвои миллат бо аҳли илм ва маориф- ин баррасии натиҷаҳои мулоқоти қаблӣ бо аҳли зиё, ҳолати кунунии рушди илм ва дурнамои он, масъалаҳои баланд бардоштани сатҳи омӯзиши илмҳои табиӣ ва риёзӣ, ташаккули тафаккури техникӣ, дастгирии ташаббусҳо дар самти ихтироъкорӣ, инчунин сифат ва самаранокии тарбияи кадрҳои илмӣ дар ҷумҳурӣ мебошад.
Таъкид гардид, ки Пешвои миллат муҳтарам Эмомалӣ Раҳмон дар суханронияшон аз вазъи кунунии ҷаҳони муосир, ҳифзи сулҳу оромӣ, суботи сиёсӣ ва ваҳдати миллӣ ёдовар шуда, таъкид намуданд, ки насли наврасро бояд дар руҳияи худшиносиву ватандӯстӣ, ифтихори ватанпарастӣ ва эҳтироми забони модарӣ тарбия намоем.
Ҳамзамон оид ба бахшҳои гуногуни суханронии Президенти Тоҷикистон муҳтарам Эмомалӣ Раҳмон дар мулоқот бо аҳли илм ва маорифи мамлакат ибрози назар намуда, дар бораи дастовардҳои соҳаҳои илму маориф дар замони соҳибистиқлолӣ, вазифаю масъулияти олимон дар ҷомеа ва тарбияи муҳаққиқони ҷавон сухан гуфта шуд.
Дар поёни ҳамоиш байни иштирокчиён ва ҳозирин мубодилаи афкор доир шуда, иброз гардид, ки ҳар сухани Пешвои миллат муҳтарам Эмомалӣ Раҳмон роҳнамо баҳри фардои дурахшони миллат аст.
АКС: Донишгоҳи байналмилалии забонҳои хориҷии Тоҷикистон
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Барои такмили ихтисоси мураббиёну омӯзгорон фаъолияти таълимӣ аз рӯйи низоми модулӣ оғоз гардид
Олимпиадаи даставӣ барои дарёфти «Ҷоми Сарраёсати маорифи шаҳри Душанбе» доир гардид
НИШАСТИ МАТБУОТӢ. Дар ноҳияи Носири Хусрав фарогирии кӯдакон ба муассисаи томактабӣ 3,2 фоиз зиёд гардидааст
«ИЛМ — ФУРӮҒИ МАЪРИФАТ». Малакаи котибони озмун барои кор бо портали электронӣ такмил дода мешавад
Хонандагони Тоҷикистон дар Олимпиадаи сеюми байналмилалӣ аз фанни зеҳни сунъӣ ду медал ба даст оварданд
Дар ноҳияи Кӯшониён 21 Маркази рушди инкишофи кӯдак ба истифода дода шуд
Дар Тоҷикистон ба як омӯзгор 18 хонанда рост меояд
Хонандагони фаъоли пойтахт дар истироҳатгоҳи тобистонаи беруназшаҳрии «Шарора» таътили босамар мегузаронанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
