Дар Душанбе Лоиҳаи «Тавонмандсозии марказҳои матбуотӣ ва ҳамкории онҳо бо воситаҳои ахбори омма» муаррифӣ гардид
ДУШАНБЕ, 25.06.2024 /АМИТ «Ховар»/. Имрӯз дар шаҳри Душанбе Лоиҳаи «Тавонмандсозии марказҳои матбуотӣ ва ҳамкории онҳо бо воситаҳои ахбори омма» муаррифӣ гардид. Дар маросими муаррифии лоиҳаи мазкур намояндагони вазорату идораҳои давлатӣ, кормандони сафоратҳо, роҳбарони созмонҳои журналистӣ, намояндагони марказҳои матбуотӣ ва рӯзноманигорон иштирок намуданд, хабар медиҳад мухбири АМИТ «Ховар».
Зимни муаррифии лоиҳа гуфта шуд, ки матбуот яке аз воситаҳои асосии таъсиррасон ба афкори умум буда, дар раванди демократикунониву ташаккули афкори ҷомеа ва дар муносибатҳои байналмилалӣ нақши муҳим мебозад. Дар ин замина амалишавии Лоиҳаи «Тавонмандсозии марказҳои матбуотӣ ва ҳамкории онҳо бо воситаҳои ахбори омма» барои рушд ва пешрафти марказҳои матбуотии вазорату идораҳои мамлакат зарур ва саривақтӣ мебошад.
Таъкид гардид, ки ҳамкории судманд байни рӯзноманигорон ва марказҳои матбуотии мақомоти давлатӣ ҷавобгӯи манфиатҳои соҳавии ҳар як вазорату идораи давлатӣ буда, бо ин восита мо метавонем фаъолияти ниҳоди дахлдорро дар фазои иттилоотӣ ба шакли лозима пешкаши ҷомеаи ҷаҳонӣ гардонем.
Иттилоъ дода шуд, ки Лоиҳаи «Тавонмандсозии марказҳои матбуотӣ ва ҳамкории онҳо бо воситаҳои ахбори омма» бо дарназардошти муҳиммияти самаранокии кори марказҳои матбуотӣ дар муаррифии фаъолияти дастовардҳои ниҳодҳои давлатӣ, густариши равобити мутақобилан судманди онҳо бо рӯзноманигорон таҳия шудааст.
Ҳадафи лоиҳа ташаккули фазои мусоиди ҳамкорӣ байни котибони матбуотӣ ва расонаҳо ҷиҳати инъикоси шоистаи кори ниҳодҳои давлатӣ ба ҷомеа ва бо ин васила таъмини дастрасӣ ба иттилои сареъ ва боэътимод мебошад.
Дар доираи ин лоиҳа, баргузории мизҳои мудаввар ва машғулиятҳои амалии омӯзишӣ бо иштироки мутахассисони соҳа ва рӯзноманигорони ботаҷриба дар назар дошта шудааст.
АКС: АМИТ «Ховар»
Дар Академияи миллии илмҳо бахшида ба 90 – солагии профессор Муқаддима Ашрафӣ конференсия баргузор шуд
Имрӯз дар баъзе шаҳру ноҳияҳои Тоҷикистон борони кӯтоҳмуддат меборад
Намояндагони парлумонҳои Туркия, Узбекистон ва Озарбойҷон дар Осорхонаи миллӣ бо шоҳкориҳои нодири ниёгонамон шинос шуданд
Рӯзи ҷавонон на танҳо ҷашн, балки рӯзи умеду орзуҳо ва масъулияти насли ояндасози Тоҷикистон аст
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
