Дар Хива масъалаи дар оянда эълон намудани яке аз шаҳрҳои Тоҷикистон ҳамчун пойтахти сайёҳии Созмони ҳамкории иқтисодӣ баррасӣ шуд
ДУШАНБЕ, 03.06.2024. /АМИТ «Ховар»/. Тавре қаблан хабар дода будем, 1-2 июни соли 2024 дар шаҳри Хиваи Ҷумҳурии Узбекистон Конфронси 12-уми вазирони сайёҳии Созмони ҳамкории исломӣ таҳти унвони «Хива – пойтахти сайёҳии ҷаҳони ислом дар соли 2024» доир гардид, ки дар он раиси Кумитаи рушди сайёҳии назди Ҳукумати Ҷумҳурии Тоҷикистон Камолиддин Муминзод иштирок намуд.
Ба иттилои Кумитаи рушди сайёҳӣ, дар ҳошияи иштирок дар конфронс вохӯрии раиси Кумитаи рушди сайёҳӣ Камолиддин Муминзод бо Дабири кулли Созмони ҳамкории исломӣ Ҳусейн Иброҳим Таҳа мулоқот анҷом дод.
Зимни мулоқот ҷонибҳо вазъи кунунӣ ва дурнамои ҳамкории Тоҷикистон ва Созмонро мавриди баррасӣ қарор доданд,
Дар вохӯрӣ бо Дабири кулли Созмони ҳамкории иқтисодӣ Хусрав Нозирӣ ҷонибҳо бо баррасии ҳамкории минбаъда атрофи баргузор намудани чорабиниҳои Созмон дар Ҷумҳурии Тоҷикистон ва эълон намудани яке аз шаҳрҳои Тоҷикистон ҳамчун пойтахти сайёҳии Созмони ҳамкории иқтисодӣ дар солҳои минбаъда мубодилаи афкор намуданд.
Инчунин вохӯрии раиси Кумитаи рушди сайёҳӣ бо Вазири экология, ҳифзи муҳити зист ва тағйирёбии иқлими Ҷумҳурии Узбекистон Азиз Абдуҳакимов доир гардида, ҷонибҳо вазъ ва дурнамои муносибатҳои дуҷонибаро дар самти сайёҳӣ мавриди баррасӣ қарор доданд.
Масъалаҳои вобаста ба ҷалби сармоя, роҳандозии хатсайрҳои сайёҳии муштараки гуногунсамт, омода намудани кадрҳои баландихтисос ва роҳандозӣ намудани сафарҳои муштараки мактаббачагон байни ду давлат баррасӣ карда шуданд.
Ҳамзамон Камолиддин Муминзод бо директори минтақавии Созмони ҷаҳонии сайёҳӣ дар Халиҷ ва Ховари Миёна Басма ал Майман мулоқот намуд.
Зимни мулоқот ҷонибҳо ҳамкории Тоҷикистон ва Созмони ҷаҳонии сайёҳиро мавриди баррасӣ қарор дода, доир ба омода намудани кадрҳои баландихтисос дар соҳаи сайёҳӣ ва сафарбар намудани донишҷӯёни риштаи сайёҳӣ ҷиҳати таҳсил дар донишгоҳҳои хориҷи мамлакат тибқи барномаҳои Созмон мубодилаи афкор намуданд.
АКС: Кумитаи рушди сайёҳии назди Ҳукумати Ҷумҳурии Тоҷикистон
ПАХТА — ЗИРОАТИ СТРАТЕГИИ ТОҶИКИСТОН. Барои ҳавасмандии марди деҳқон арзиши ин маҳсулот бояд баланд бардошта шавад
Роҳсозони тоҷик барои ба давлати воҳид табдил додани Тоҷикистон қадамҳои устувор мегузоранд
ХОВАЛИНГ ТАЪРИХИ ЯКМИЛЛИОНСОЛА ДОРАД. Он барои илми ҷаҳонӣ чун маъхази бостоншиносӣ хизмат менамояд
СОЛҲОИ РУШДИ САНОАТ. Дар Суғд корхонаи ғанигардонии маъдани оҳан бунёд мегардад
Муҳаққиқи тоҷик технологияи бехатарии парвозҳоро таҳия намуд
Вохӯрии байналмилалии минтақавии роҳбарони таъминкунандаи хизматрасонии аэронавигатсионӣ дар минтақаи АвруОсиё доир шуд
Неругоҳҳои барқи обии «Норак» ва «Бойғозӣ» ба давраи зимистони солҳои 2025-2026 пурра омода мебошанд
Дар шаҳри Роғун бинои нави филиали «Амонатбонк» ба истифода дода шуд
Дурнамои ҳамкории Тоҷикистон ва Ҷопон дар соҳаи энергетика ва захираҳои об баррасӣ карда шуд
Намояндаи Тоҷикистон дар Пекин иқтидори васеи соҳаи сайёҳии Тоҷикистонро муаррифӣ намуд
Ҳайати Вазорати молияи Тоҷикистон дар машварати байналмилалӣ оид ба нархгузории трансфертӣ иштирок намуд
Дар вилояти Суғд соҳаи саноати кӯҳӣ рушд меёбад
