Дар Хуҷанд Намоиши асарҳои рассомони Тоҷикистон ва намунаҳои ҳунари хаттотии Чин доир гардид
ДУШАНБЕ, 20.06.2024 /АМИТ «Ховар»/. Ҳайати бонуфузи Ҷумҳурии Мардумии Чин, ки ҷиҳати иштирок дар Вохӯрӣ-Мулоқоти занони Тоҷикистону Чин дар вилояти Суғд қарор дорад, Намоиши асарҳои рассомони Тоҷикистон таҳти унвони «Симои зан» ва намунаҳои ҳунари хаттотии Чин бо номи «Моҳияти ҳаёт»-ро тамошо карданд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Хуҷанд хабар доданд.
Намоиши асарҳо дар Муассисаи давлатии Маҷмааи фарҳангию таърихии «Қалъаи Хуҷанд» оғоз гардида, меҳмонони олиқадрро раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода, роҳбарзанони мақомоти иҷроияи ҳокимияти давлатии шаҳру ноҳияҳои вилояти Суғд, муовинони як қатор ниҳодҳои гуногуни ҷумҳурӣ аз ҳисоби бонувон пешвоз ва пазироӣ намуданд.
Раиси Кумита ва роҳбари Федератсияи занони Чин қабл аз оғози намоиш оид ба дастовардҳои занон дар тамоми самтҳои ҳаёт, саҳми назарраси онҳо дар рушду пешрафти ҷомеа, ташаббусҳои Президенти Ҷумҳурии Тоҷикистон муҳтарам Эмомалӣ Раҳмон оид ба тадбирҳои баланд бардоштани мақоми зан дар ҷомеа, ҳамкории мутақобилан судманди ҷонибҳои Тоҷикистону Чин дар самти кор бо занон ва оила ибрози назар намуданд.
Сипас ҳайати ҷонибҳо бо мусаввараҳои рассомон ва хаттотон аз наздик ошно шуда, оид ба моҳияти онҳо ибрози андеша намуданд.
Намоиш бо тамошои эъҷози дастони ҳунармандони гулдасти вилояти Суғд – кандакорӣ, оинабандӣ ва кулолгарӣ ҷамъбаст гардид.
АКС: Мақомоти иҷроияи ҳокимияти давлатии шаҳри Хуҷанд
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
Дар ноҳияи Фирдавсӣ таҳти унвони «Шукуҳи Истиқлол» иқдоми таблиғотӣ идома дорад
Моҳи охири фасли тобистон дар Тоҷикистон ҳарорати ҳаво то 1 дараҷа баланд мешавад
Дар Тоҷикистон соли 2026 ҳаҷми маблағи кумакпулии унвонии иҷтимоӣ бештар гардидааст
БАРНОМАИ РУШДИ РОҲНАМОИ КАСБ. Татбиқи он имкон медиҳад, ки шумораи аҳолии бо ҷойи кор таъминшуда ҳамасола 2-2,2 фоиз афзоиш ёбад
«ЧИЛ ДУХТАРИ ТОҶИК БО ЧИЛ ГЕСӮИ ДАРОЗ». Таҳти ин унвон намоиши либосҳои миллӣ баргузор гардид
Шумораи аҳолии машғул ба фаъолияти иқтисодӣ дар Тоҷикистон беш аз 2 миллион нафарро ташкил медиҳад
Дар минтақаи Кӯлоб шумораи нафақагирон беш аз 127 ҳазор нафарро ташкил медиҳад
Ба 12 оилаи аз офати табиӣ зарардидаи ноҳияи Абдураҳмони Ҷомӣ қитъаи замини наздиҳавлигӣ ҷудо гардид
Оид ба низоми электронии дипломҳо машваратҳои омӯзишӣ баргузор шуданд
ТАВСИЯҲОИ МУФИД. Доир ба аҳамият ва тарзи тайёр намудани шарбату консерваҳо барои фасли зимистон
Доир ба татбиқи «Барномаи давлатии солимии репродуктивӣ барои солҳои 2023-2027» ҷаласа баргузор шуд
