Дар Маркази миллии патенту иттилоот ба ифтихори Рӯзи Ваҳдати миллӣ ҳамоиш доир гардид
ДУШАНБЕ, 25.06.2024. /АМИТ «Ховар»/. Дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон Рӯзи Ваҳдати миллиро бо баргузории ҳамоиши тантанавӣ таҷлил намуданд. Дар ин хусус ба АМИТ «Ховар» дар Маркази миллии патенту иттилоот хабар доданд.
Директори Маркази миллии патенту иттилоот Мирзо Исмоилзода гуфт, ки «давоми 27 соли ваҳдати миллӣ дар Тоҷикистон корҳои бузурги созандагию бунёдкорӣ ба анҷом расиданд, ки мо бояд ба қадри ин неъмати бебаҳо расем. Ваҳдати миллӣ беҳтарин неъмат, осоишу ободӣ, фарзонагӣ, амну субот, меҳру садоқат, таҳкими давлат, наҷоту ҳастии миллат буда, ҳар як тоҷикистонӣ вазифадор аст, ки барои таҳкими сулҳи бебозгашт ва ваҳдати сартосарӣ талош намояд».
«27 соли Ваҳдати миллиро метавон 27 соли эҳёи миллӣ, баҳамоиву пойдории сулҳу суббот ва оромӣ, 27 қадами устувор дар роҳи эъмори ҷомеаи озоду демкоратӣ арзёбӣ намуд, ки дар таърихи навини давлати тоҷикон бо ҳарфҳои заррин сабт мегардад», -афзуд номбурда.
Иштирокдорони дигари ҳамоиш оид ба дастоварҳои бо шарофати ваҳдати миллӣ ба дастомада, аҳамияти он дар таҳкими истиқлоли давлатӣ ибрози назар намуда, аз ҷумла гуфтанд, ки имрӯз таҷрибаи сулҳофарии тоҷикон ба тамоми оламиён маълум аст ва тамоми созмонҳои байналмилалӣ онро ҳамчун падидаи нодири сулҳофарӣ эътироф карда, дар мамлакатҳои гирифтори муқовимати шаҳрвандӣ дар ҷаҳон онро мавриди омӯзишу истифода қарор медиҳанд.
АКС: Муассисаи давлатии «Маркази миллии патенту иттилоот»
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
