Дар ноҳияи Восеъ беш аз 28 ҳазор гектар замини кишт мавҷуд аст
ВОСЕЪ, 08.06.2024 /АМИТ «Ховар»/. Дар ҳамаи шаклҳои хоҷагидорӣ дар ноҳияи Восеъ 28 ҳазору 170 гектар замин мавҷуд аст, ки аз ин дар беш аз 15 ҳазор гектар ғаладонагиҳо, зироати техникӣ ва зироати хӯроки чорво кишт мешавад, иттилоъ медиҳад мухбири минтақавии АМИТ «Ховар» Сулаймон Холзода.
Иттилоъ дода шуд, ки соли 2023 кишоварзони ноҳия ба хориҷи мамлакат 2680 тонна маҳсулот содирот карданд.
Кишоварзони ноҳияи Восеъ дар натиҷаи заҳмати пайваста имсол ҳосили фаровони пиёз, картошка, бодирингу помидор, қаланфури булғорӣ ва дигар намуди маҳсулот ба даст оварданд.
Яке аз кишоварзони ноҳия Маҳмадҷон Маҳмадов иброз дошт, ки «дар айни замон дар ноҳия ҷамъоварии пиёз идома дорад. Мо тасмим гирифтаем, ки баъд аз ҷамъоварии пиёз дигар намуди маҳсулот кишт намоем».
АКС: АМИТ «Ховар»
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Имрӯз дар баъзе ноҳияҳои Тоҷикистон туман мефарояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
