ДАР ПАРТАВИ ҲИДОЯТҲОИ ПЕШВОИ МИЛЛАТ. Дар Душанбе, Кӯлоб ва Ховалинг ба 2200 ниёзманд кумак расонида шуд

Июнь 18, 2024 11:40

ДУШАНБЕ, 18.06.2024 /АМИТ «Ховар»/. Дар партави ҳидоятҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ёрмандӣ ба қишри ниёзманди аҳолӣ аз ҷониби Ташкилоти ҷамъиятии «Сабо» ба 2200 ятим, маъюб ва ниёзманд дар ҳаҷми 6600 килограм гӯшт кумак расонида шуд.

Аз ҷумла, дар доираи ин дастуру супоришҳо дар пойтахти мамлакат 1000 нафар аз ин кумак бархӯрдор гардид.

Дар ин замина кумаки мазкур ба 460 нафар дар Кӯлоб ва 740 нафар дар Ховалинг низ дастрас карда шуд.

Чунин амали инсонпарварона ва наҷиб дар пайравӣ ба иқдомҳои хайрхоҳонаи Роҳбари давлат ва Ҳукумати мамлакат дар заминаи сиёсати самарабахши иҷтимоӣ амалӣ шуда, пайваста иҷро мегардад.

Маврид ба тазаккур аст, ки дастгирии ниёзмандон, аз ҷумла маъюбон, маризон, пиронсолони яккаву танҳо, ятимону бепарасторон ва дигар табақаҳои ниёзманди аҳолӣ яке аз ҳадафҳои асосии Ҳукумати Ҷумҳурии Тоҷикистон, хосса Президенти мамлакат муҳтарам Эмомалӣ Раҳмон ба ҳисоб рафта, дар ин самт ҳамеша барои дастгирии онҳо тадбирҳои саривақтӣ андешида мешаванд.


Бояд гуфт, ки Ташкилоти ҷамъиятии «Сабо» 13 июли соли 2016 ба фаъолият оғоз намудааст. Ин ташкилот тақрибан ҳамасола ба ҳазорҳо хонаводаҳои ниёзманд маводи ғизоӣ кумак мерасонад.

Роҳбари Ташкилоти ҷамъиятии «Сабо» Ҷамшед Сафаров гуфт, ки соли 2023 ташкилот ба 1700 оилаи ниёзманди шаҳри Душанбе, ноҳияҳои Рӯдакӣ, шаҳри Ваҳдат маводи ғизоӣ тақсим намуд, ки дар маҷмуъ 45 тоннаро ташкил дод.

«Соли 2024 ба 1016 оилаи ниёзманд маводи ғизоӣ расонида шуд. Инчунин ба хона-интернатҳои шаҳри Кӯлоб, Восеъ, Сангвор, Ваҳдат, Рӯдакӣ ва шаҳри Душанбе кумак расонида, дастархони идона ороста намуданд», — гуфт ӯ.

Таҳти ҳидоятҳои Сарвари давлат соҳибкор Ҷамшед Сафаров пайваста саҳми муносиби худро дар ободонию созандагӣ, кумак намудан ба ятимону барҷомондагон ва шахсони имконияташон маҳдуд мегузорад.

АКС: АМИТ «Ховар»

Июнь 18, 2024 11:40

Хабарҳои дигари ин бахш

Имрӯз дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Бо иқдоми соҳибкорони ватанӣ заминҳои кишоварзии ноҳияи Деваштич обёрӣ гардиданд
Таътили тобистонаи хонандагон дар истироҳатгоҳи омӯзишии «Истиқлол»-и назди Донишгоҳи давлатии Кӯлоб бофароғат мегузарад
Пагоҳ дар Вазорати фарҳанг, Кумитаи телевизион ва радио, Ваколатдор оид ба ҳуқуқи инсон, КВД «Хоҷагии манзилию коммуналӣ» ва МД «Телевизиони Сафина» нишасти матбуотӣ баргузор мегардад
Имрӯз дар шаҳри Душанбе ҳаво то 39 дараҷа гарм мешавад
Ғиёсиддин Ашӯрзода раиси Ҳизби ислоҳоти иқтисодии Тоҷикистон интихоб гардид
Дар ноҳияи Данғара вохӯрии масъулин бо сокинон бо усули «Маҳал ба маҳал» ва «Деҳа ба деҳа» баргузор гардид
Имрӯз дар баъзе аз минтақаҳои Тоҷикистон хавфи омадани сел боқӣ мемонад
ҲАР КАС БА ЗАБОНИ ХУД СУХАНДОН ГАРДАД. Китобҳо дар нигоҳ доштани забон нақши аввалияро мебозанд
Дар кӯчаҳои Хоруғ 150 қуттии муосир барои партовҷамъкунӣ гузошта шуд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар баъзе минтақаҳои Тоҷикистон хавфи омадани сел боқӣ мемонад