Дар шаҳри Бӯстон маркази забономӯзии «Дониш» мавриди баҳрабардорӣ қарор гирифт

Июнь 16, 2024 12:05

ДУШАНБЕ, 16.06.2024. /АМИТ «Ховар»/. Дар доираи тадбирҳои ободонию созандагӣ ба истиқболи сазовори 35-солагии Истиқлоли давлатии Ҷумҳурии Тоҷикистон дар шаҳри Бӯстони вилояти Суғд Маҷмааи хизматрасонии «Ҳайат» мавриди баҳрабардорӣ қарор дода шуд, ки дар он Маркази забономӯзии «Дониш» ва маркази тарғиби тарзи ҳаёти солим ҷойгиранд. Дар ин хусус ба АМИТ «Ховар» дар Мақомоти иҷроияи ҳокимияти давлатии шаҳри Бӯстон хабар доданд.

Иброз гардид, ки Ҷумҳурии Тоҷикистон татбиқи пайвастаи ислоҳоти гуногуни ҳаёти иқтисодии ҷомеа, бахусус соҳибкориро яке аз омилҳоти пешбарандаи рушди босубот ва амалигардонии ҳадафҳои стратегии мамлакат медонад. Вобаста ба ин, мусоидат ба рушди соҳибкории занон низ яке аз ҳадафҳои рушди иқтисодии мамлакат дониста шуда, дар ин самт пайваста тадбирҳои муфид амалӣ мешаванд.

Таъкид гардид, ки Ҳукумати мамлакат соҳаи соҳибкориро дар «Стратегияи миллии рушди Ҷумҳурии Тоҷикистон барои давраи то соли 2030» ҳамчун неруи пешбарандаи рушди босуботи иқтисодӣ, воситаи асосии таъмин кардани ҳадафҳои миллӣ ва дар ин замина муҳайё намудани шароит барои ҳалли масъалаҳои марбут ба дастгирии соҳибкорӣ, бахусус тамоюлҳои рушди фаъолияти соҳибкории занон муайян кардааст.

Гуфта шуд, ки бо иқдоми соҳибкорзани маҳаллӣ Мақсуда Фозилова ифтитоҳ гардидани ин маркази хизматрасонӣ намунаи барҷастаи як шаҳрванди соҳибватану ободгар арзёбӣ гардида, иқдоми наҷиби ӯ барои дигарон намунаи ибрат ва шоистаи пайравӣ мебошад.

Маҷмааи хизматрасонии «Ҳайат» аз 6 утоқи корӣ, аз ҷумла, утоқи маъмурият, толорҳои тамрин, маҳси бадан, ғизои солим, ҳаммом, толори истироҳатӣ ва 2  утоқи омӯзиши забонҳои хориҷӣ иборат аст. Шумораи умумии кормандон 15 нафар буда, дар як шабонарӯз ба 180 нафар мизоҷ хизмат расонида мешавад.

АКС: Мақомоти иҷроияи ҳокимияти давлатии шаҳри Бӯстон

Июнь 16, 2024 12:05

Хабарҳои дигари ин бахш

35-СОЛАГИИ ИСТИҚЛОЛИЯТИ ДАВЛАТӢ. Дар Суғд 2077,0 км роҳ таъмиру навсозӣ мешавад
35-СОЛАГИИ ИСТИҚЛОЛИ ДАВЛАТӢ. Дар Панҷакент 1000 иншооти таъйиноти гуногун бунёду навсозӣ карда мешавад
Дар Бӯстон 17 ҳазор метри мураббаъ роҳ мумфарш карда мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Сино майдончаи варзишӣ баъди навсозӣ ба истифода дода шуд
35-СОЛАГИИ ИСТИҚЛОЛИ ДАВЛАТӢ. 3 километр роҳи деҳаи Олимободи шаҳри Турсунзода мумфарш мегардад
35-СОЛАГИИ ИСТИҚЛОЛИ ДАВЛАТӢ. Корҳои таъмиру навсозии Беморхонаи шаҳри Турсунзода бо маром идома доранд
Шуъбаи таваллудхонаи Беморхонаи минтақавии Ҷамоати деҳоти Сағирдашти ноҳияи Дарвоз соҳиби бинои замонавӣ шуд
БА ИФТИХОРИ 35-СОЛАГИИ ИСТИҚЛОЛӢ ДАВЛАТӢ. Дар ноҳияи Шамсиддин Шоҳин иншооти таъйиноти гуногун ба истифода дода шуд
35-СОЛАГИИ ИСТИҚЛОЛИ ДАВЛАТӢ. Соҳили дарёи Сир дар Хуҷанд ба макони муосири истироҳатию варзишӣ тадбил дода мешавад
35-СОЛАГИИ ИСТИҚЛОЛИ ДАВЛАТӢ. Соҳибкор бо фарзандонаш дар таъмиру мумфаршсозии якчанд кӯча дар шаҳри Ҳисор саҳм мегузорад
35-СОЛАГИИ ИСТИҚЛОЛИЯТИ ДАВЛАТӢ. Ба пешвози ин ҷашн дар Хоруғ бунёду навсозии 300 иншоот ба нақша гирифта шудааст
35-СОЛАГИИ ИСТИҚЛОЛИ ДАВЛАТӢ. Дар ноҳияи Лахш бинои нави Раёсати молия ба истифода дода мешавад