ДАСТОВАРДҲОИ СОҲИБИСТИҚЛОЛӢ. Шурои ҷамъиятии назди Сафорати Тоҷикистон дар Русия дар ин мавзуъ озмун эълон кард
ДУШАНБЕ, 19.06.2024 /АМИТ «Ховар»/. Шурои ҷамъиятии назди Сафорати Ҷумҳурии Тоҷикистон дар Федератсияи Русия бахшида ба Рӯзи Истиқлолияти давлатии Ҷумҳурии Тоҷикистон озмуни мақолаи беҳтаринро таҳти унвони «Дастовардҳои соҳибистиқлолии Ҷумҳурии Тоҷикистон: дирӯз ва имрӯз» эълон намуд, хабар медиҳад АМИТ «Ховар» бо истинод ба Шурои ҷамъиятии назди Сафорати Ҷумҳурии Тоҷикистон дар Федератсияи Русия.
Озмуни мазкур байни донишҷӯёни муассисаҳои таҳсилоти олӣ ва миёнаи касбӣ, олимону муҳаққиқон, ҳамватанони бурунмарзӣ ва рӯзноманигорони муқими Федератсияи Русия, инчунин шаҳрвандони Федератсияи Русия баргузор гардида, ғолибон бо туҳфаҳои хотиравии Кумитаи тадорукоти озмун сарфароз гардонида мешаванд. Мақолаҳои пешниҳодгардида бо забонҳои тоҷикӣ, русӣ ва англисӣ дар шакли электронӣ бо ҳуруфи Times New Roman Tj, андозаи ҳуруфи 14, дар ҳаҷми на кам аз 4 саҳифаи компютерӣ то 30 августи 2024, соати 18:00 (ба вақти Москва) тавассути почтаи электронии tojikon.pressa@list.ru, ksalimzoda@list.ru қабул карда мешаванд.
Шартҳои озмун чунин аст: мазмун ва муҳтавои мақола ба озмун мутобиқат намояд; матлаб ё мақола муаллифӣ ва аслӣ бошад; мақола бо яке аз забонҳо, тоҷикӣ, русӣ ва англисӣ бошад; ҳаҷми мақола на камтар аз 4 саҳифаи компютерӣ бошад ва як нафар метавонад то се мақола пешниҳод кунад.
Шартҳои ғолибият ва меъёри баҳодиҳӣ чунин аст: дар аввал бо назардошти муҳтаво ва моҳияти мақола, хатоҳои грамматикӣ ва услубии даҳ мақолаи беҳтарин аз тарафи Комисияи озмун интихоб карда мешаванд; аз мобайни даҳ мақолаи беҳтарин мақолаҳо тавассути овоздиҳии кушодаи аъзои Комиссия барои ҷойҳои якум, дуюм ва сеюм интихоб карда мешавад; даҳ мақолаи интихобшудаи беҳтарин дар сомонаи расмии Шӯрои ҷамъиятии назди Сафорати Ҷумҳурии Тоҷикистон нашр карда мешаванд; ғолибони ҷойҳои ифтихорӣ бо Сипоснома ва мукофоти таҳиянамудаи Шӯрои ҷамъиятии назди Сафорати Ҷумҳурии Тоҷикистон дар Федератсияи Русия дар арафаи Рӯзи Истиқлолияти давлатии Ҷумҳурии Тоҷикистон тақдим карда мешаванд.
Суроғаи мо: шаҳри Москва, кӯчаи 2-юми Тверcкая -Ямская, хонаи 3\40, ҳуҷраи 302; Суроғаи электронӣ: tojikon.pressa@list.ru, ksalimzoda@list.ru Телефонҳо барои тамос: +7 (929) 554 83 28;
АКС: Шурои ҷамъиятии назди Сафорати Ҷумҳурии Тоҷикистон дар Федератсияи Русия
МАНФИАТ ВА ХАВФҲОИ ИСТИФОДАИ ЗЕҲНИ СУНЪӢ. Мулоҳизаҳои профессор Сайфиддин Давлатзода дар ин мавзуъ
Дар вилояти Суғд ба фаъолони соҳаҳо мукофотҳои давлатии Ҷумҳурии Тоҷикистон супорида шуд
Имрӯз дар баъзе ноҳияҳои Тоҷикистон борони кӯтоҳмуддат меборад
ДАР ПАЙРАВӢ БА ИҚДОМИ ПЕШВОИ МИЛЛАТ. Ба хонандагони ятими шаҳри Роғун либоси мактабӣ ва лавозимоти хониш тақдим гардид
КИТОБ — МУФИДТАРИН ИХТИРОИ БАШАР. Имрӯз дар Тоҷикистон Рӯзи китоб аст
Сафири Тоҷикистон бо Вазири энергетика ва маъданҳои Салтанати Умон мулоқот намуд
«35 СОЛИ СОЗАНДАГӢ ВА РУШДИ МИЛЛӢ». Таҳти чунин унвон ҳамоиши илмӣ-амалӣ доир шуд
БАРОИ АЛОҚА, БАРОИ ОДАМОН, БАРОИ ҶУМҲУРӢ. МегаФон Тоҷикистон дар чоряк асри фаъолият чӣ корҳоро анҷом дод?
Тоҷикистон ва Иттиҳоди Аврупо ҳамкориро дар соҳаи саноати сабук густариш медиҳанд
ИМРӮЗ — РӮЗИ АВИАТСИЯИ ГРАЖДАНӢ. Аз Тоҷикистон ба зиёда аз 20 кишвари ҷаҳон парвозҳо ба роҳ монда шудааст
