Имрӯз дар Эрон интихоботи пешазмуҳлати президентӣ баргузор мешавад
ДУШАНБЕ, 28.06.2024 /АМИТ «Ховар»/. Имрӯз дар Эрон интихоботи пешазмуҳлати президентӣ баргузор мешавад. Участкаҳои интихоботӣ соати 08:00 ба вақти маҳаллӣ кушода шуданд. Дар ин хусус АМИТ «Ховар» бо истинод ба АЗЕРТАҶ хабар медиҳад.
Дар интихобот чор номзад, аз ҷумла Раиси парлумон Муҳаммадбоқир Қолибоф, намояндаи пешвои руҳонӣ дар Шурои амният Сайид Ҷалилӣ, собиқ вазири корҳои дохилӣ ва адлия Мустафо Пурмуҳаммадӣ ва собиқ вазири тандурустӣ Масъуд Пизишкиён иштирок менамоянд
Овоздиҳӣ ҳам дар дохил ва ҳам дар хориҷи Эрон баргузор мешавад. Дар қаламрави Эрон тақрибан 60 ҳазор участкаи интихоботӣ ва 90 ҳазор нуқтаи овоздиҳӣ фаъолият менамояд. Тақрибан 344 участка барои эрониҳое, ки берун аз Эрон қарор доранд, фаъолият хоҳанд кард.
Ёдовар мешавем, ки 19 май дар вилояти Озарбойҷони Шарқӣ дар шимоли Эрон чархболи Раиси Ҷумҳурии Исломии Эрон Сайид Иброҳим Раисӣ суқут кард. Ӯро вазири корҳои хориҷӣ Ҳусейн Амир Абдуллоҳиён ва як қатор ходимони давлатии Ҷумҳурии Исломии Эрон ҳамроҳӣ мекарданд. Ҳамаи мусофирон ва аъзои ҳайати сарнишинони чархбол ба ҳалокат расиданд. Аз ин рӯ, интихоботи 14-уми президентии имрӯза интихоботи ғайринавбатӣ мебошад.
АКС аз манбаъҳои боз
Имрӯз дар шаҳри Душанбе ҳаво рӯзона то 35 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 35 дараҷа гарм мешавад
Шароит ва имконияти таҳсил дар Коллеҷи омори шаҳри Ваҳдат беҳтар карда мешавад
ИҚТИСОДИ «САБЗ». Тоҷикистон барои амалисозии он заминаи муносиб фароҳам овард
Дар вилояти Суғд ҳаҷми истеҳсоли тухм афзоиш меёбад
Имрӯз дар шаҳри Душанбе ҳаво то 34 дараҷа гарм мешавад
Бахшида ба Рӯзи Ваҳдати миллӣ дар ҶДММ «Бозори Корвон плюс» вохӯрӣ доир шуд
Интернет барои идора: чӣ тавр метавон кормандонро бо дастрасии боэътимод таъмин кард
Имрӯз дар водиҳои Тоҷикистон ҳаво то 39 дараҷа гарм мешавад
Сокинони ноҳияи Лахш имсол дар майдони 5552 гектар картошка шинонданд
Имрӯз дар шаҳри Душанбе ҳаво то 35 дараҷа гарм мешавад
