ҲИСОББАРОБАРКУНИИ ҒАЙРИНАҚДӢ. Дар Ассотсиатсияи бонкҳои Тоҷикистон вобаста ба вусъат додани ин низом машварати омӯзишӣ баргузор шуд
ДУШАНБЕ, 20.06.2024 /АМИТ «Ховар»/. 19 июн дар Ассотсиатсияи бонкҳои Тоҷикистон ҷиҳати шарҳи Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» дар мавзӯи «Пардохтҳои ғайринақдӣ- омили рушди низоми бонкӣ» бо намояндагони бонкҳои ҷумҳурӣ машварати омӯзишӣ доир гардид,хабар доданд ба АМИТ «Ховар» дар ин Ассотсиатсия.
Дар оғоз Раиси Ассосиатсияи бонкҳои Тоҷикистон бо ёдоварӣ аз дастуру супоришҳои дар паёмҳои ҳамасолаи Президенти Ҷумҳурии Тоҷикистон ба Маҷлиси Олӣ дарҷгардида ва Фармони Президенти Ҷумҳурии Тоҷикистон «Дар бораи тадбирҳои вусъат додани ҳисоббаробаркунии ғайринақдӣ» иброз дошт, ки дар шароити рушди илму техника ва технологияҳои муосир мо ҳамарӯза дар қатори мафҳумҳои иттилоот, технологияҳои иттилоотӣ, амнияти иттилоотӣ, иқтисодиёти рақамӣ бо мафҳуми «ҳукумати электронӣ» рӯ ба рӯ мегардем.
«Таҳқиқот нишон медиҳад, ки бо ташкилшавии «ҳукумати электронӣ» самаранокии фаъолияти ташкилоту муассисаҳо ва шаҳрвандони ҷумҳурӣ ба сатҳи сифатан нав расида, дастрасӣ ба хизматрасониҳои давлатӣ ва иттилоот дар бораи натиҷаҳои фаъолияти мақомоти давлатӣ боз ҳам қулай мегардад»,-афзуд номбурда.
Муовини директори департаменти низоми пардохти Бонки миллии Тоҷикистон зарурати гузариш ба шакли нави ҳисоббаробаркуниҳои ғайринақдӣ, ибораҳои гардиши воситаҳои имзои электронӣ – рақамӣ, ҳуҷҷатгузории электронӣ, савдои электронӣ, системаи электронии пардохтҳо, смарт — кортҳои қабулкунандагони хизматҳо, смарт- кортҳои мақомоти ҳокимияти давлатӣ, алоқаи мобилӣ, системаи моҳворагӣ, ҳуҷҷатҳои интерактивиро ба ҳозирин шарҳу тавзеҳ дод.
Ҳамзамон дар ҷамъомад таъкид гардид, ки гузариш ба ҳисоббаробаркунии ғайринақдӣ на танҳо аз низоми бонкӣ вобастагӣ дорад, балки андешидани чораҳои дахлдорро аз ҷониби вазорату идораҳо ва дигар ташкилоту идораҳо талаб менамояд, ки айни замон масъалаи муҳим аст.
АКС: Ассотсиатсияи бонкҳои Тоҷикистон
Дар Китобхонаи миллии Тоҷикистон бахшида ба Рӯзи маъюбон ҳамоиш доир шуд
«САМУРАЕ, КИ ШАМШЕР НАДОРАД». Асари нависандаи ҷопонӣ тарҷума ва нашр гардид
Имсол дар Тоҷикистон дар беш аз 186 ҳазор гектар кишти такрории зироати кишоварзӣ гузаронида мешавад
Кишоварзони ноҳияи Зафаробод дар беш аз 10 ҳазор гектар пунбадона кишт намуданд
Дар Тоҷикистон беш аз 11 ҳазор гектар шолӣ кишт шудааст
Дар «Ҳамсафар» 300 нафар хонандагон ба истироҳат ҷалб гардиданд
Имрӯз дар водиҳои Тоҷикистон ҳаво то 43 дараҷа гарм мешавад
Дар назди 4 муассисаи таълимӣ ноҳияи Рӯдакӣ хонаи хизматии омӯзгорон бунёд карда мешавад
Дар Тоҷикистон корҳои омодагӣ барои баргузории Фестивали бозиҳои варзиши миллӣ оғоз гардиданд
Ҷаласаи 6-уми роҳбарони вазорату идораҳои давлатҳои аъзои Созмони ҳамкории Шанхай оид ба ҳифзи муҳити зист доир шуд
Имрӯз дар Тоҷикистон чангу ғубор ба амал меояд
Бо мақсади тақвияти устувории шаҳрҳо ба хавфи офатҳо ва тағйирёбии иқлим дар Осиёи Марказӣ машварат доир гардид
