Конфронси Гурӯҳи корӣ оид ба ҳамкории авиатсияи граждании Чин ва Осиёи Марказӣ (C5+1) баргузор гардид
ДУШАНБЕ.20.06.2024/АМИТ «Ховар»/. Дар шаҳри Сиани Ҷумҳурии Мардумии Чин Конфронси Гурӯҳи корӣ оид ба ҳамкории авиатсияи граждании Чин ва Осиёи Марказӣ (C5+1) баргузор гардид, хабар доданд ба АМИТ «Ховар» дар Корхонаи воҳиди давлатии «Тоҷикаэронавигатсия».
Дар конфронс роҳбарият ва намояндагони Агентии авиатсияи гражданӣ ва корхонаҳои таъминкунандаи хизматрасониҳои аэронавигатсионии давлатҳои Осиёи Марказӣ, аз ҷумла Қазоқистон, Қирғизистон, Тоҷикистон, Туркманистон, Узбекистон ва Чин иштирок намуда,масъалаҳои пурзӯр намудани таъмини бехатарии парвоз дар минтақа ва ҳалли мушкилоти ҷойдоштаро баррасӣ намуданд.
Дар конфронс аз Тоҷикистон намояндаи Корхонаи воҳиди давлатии «Тоҷикаэронавигатсия» сухан намуд.
Инчунин намояндаи Корхонаи воҳиди давлатии «Тоҷикаэронавигатсия» бо муовини якуми директори генералии Бюрои ҳаракаи ҳавоии Маъмурияти авиатсияи граждании Ҷумҳурии Мардумии Чин Миао Шуан ва дигар намояндагону мутахассисони Бюрои мазкур вохӯрии судманд анҷом дод.
Дар мулоқот ҷонибҳо барои тақвияти ҳамкорӣ дар соҳаи авиатсияи гражданӣ ва таъмини хизматрасонии аэронавигатсионӣ омодагии худро иброз намуданд. Инчунин доир ба аҳамияти ифтитоҳи хати ҳавоии байни Ҷумҳурии Тоҷикистон ва Ҷумҳурии Мардумии Чин, ки соли 2023 амалӣ гардид, табодули афкор намуда, оид ба татбиқи марҳилаи дуюми он ҳусни тафоҳум карда шуд.
АКС: Корхонаи воҳиди давлатии «Тоҷикаэронавигатсия»
Дар минтақаи Кӯлоб дар 204,7 гектар ҷангалзори нав бунёд гардид
Дараи Камароб дорои захираҳои нодири агробиологӣ ва имконияти васеи рушди кишоварзии кӯҳистон аст
ИСТИФОДАИ САМАРАНОКИ ЗАМИН. Дар шаҳри Конибодом кишти такрорӣ идома дорад
Ҷалби сармоя ба соҳаи энергетикаи Тоҷикистон бо намояндагони ширкати «Рокс Групп»-и Ветнам баррасӣ гардид
Оғози хизматрасонии байналмилалии пардохтии Apple Pay дар Тоҷикистон баррасӣ шуд
Корхонаи коркарди партовҳои сахти маишӣ ва истеҳсоли неруи барқ бунёд карда мешавад
Дар минтақаҳои ҳавзаи дарёҳои Қаратоғ ва Зарафшон қариб 95 фоизи захираи барфи мавсимӣ об шудааст
Дар доираи татбиқи 6 созишномаи сармоягузорӣ дар Тоҷикистон беш аз 2 ҳазор ҷойи нави кор таъсис дода мешавад
Ҳаҷми умумии маҳсулоти кишоварзӣ дар вилояти Хатлон беш аз 17 миллиард сомониро ташкил медиҳад
НИШАСТИ МАТБУОТӢ. Дар Файзобод дар шаш моҳ 10,6 миллион сомонӣ ба фаъолияти соҳибкорӣ равона гардидааст
Байни вазоратҳои адлияи Тоҷикистон ва Узбекистон Ёддошти тафоҳум ба имзо расид
НИШАСТИ МАТБУОТӢ. Ҳаҷми истеҳсоли маҳсулоти саноатӣ дар корхонаҳои шаҳри Ваҳдат беш аз 600 миллион сомониро ташкил дод
