Корхонаи хурди «Зари тоҷик» дар шаҳри Гулистон аз металлҳои қиматбаҳо маҳсулоти заргарӣ истеҳсол менамояд
ДУШАНБЕ, 17.06.2024 /АМИТ «Ховар»/. Дар шаҳри Гулистони вилояти Суғд дар корхонаи хурди «Зари тоҷик» металлҳои қиматбаҳо — тиллову нуқра то ба коркарди ниҳоӣ расонида шуда, аз онҳо маҳсулоти заргарӣ истеҳсол карда мешавад. Дар ин хусус ба АМИТ «Ховар» дар Хадамоти матбуоти Раиси вилояти Суғд иттилоъ доданд.
Гуфта шуд, ки дар корхона беш аз 10 нафар заргар, асосан занону духтарон ба кор ҷалб шудаанд.
Дар корхона навъу намуди зиёди ҷавоҳирот ва маҳсулоти заргарӣ истеҳсол гардида, баробари пешниҳод ба бозорҳои дохилӣ ба хориҷи мамлакат низ содирот карда мешаванд. Маҳсулоти тайёр дорои сертификати мутобиқат буда, сифати баланди он боиси зиёд гаштани сафи мизоҷон гардидааст.
Бояд гуфт, ки дар шаҳраки Консойи шаҳри Гулистон корхонаи «Апрелевка» фаъолият мекунад, ки он яке аз корхонаҳои бонуфуз ба ҳисоб рафта, дар соҳаи истихроҷи маъдан фаъолият мебарад. Айни замон дар корхона 1000 нафар ба шуғли доимӣ ва маоши хуб фаро гирифта шуда, ҳамасола ҳаҷми истеҳсоли маҳсулот дар корхона зиёд мегардад.
Роҳбарияти корхона бо анҷом додани корҳои иктишофӣ ва воридсозии технологияи муосир азм дорад иқтидори истеҳсолии корхонаро тақвият бахшад. Бо ин мақсад мутахассисони варзидаи сатҳи ҷаҳонӣ ҷалб гардида, корҳои омӯзишӣ идома доранд.
АКС аз бойгонӣ
Байни Тоҷикистон ва Чин Ёддошти тафоҳуми ҳамкорӣ дар соҳаи стандартизатсия ба имзо расид
Тоҷикистон ва Арманистон ҳамкориро дар самти ҳифз ва барқарорсозии экосистемаҳо ва мониторинги гуногунии биологӣ тақвият медиҳанд
Байни Тоҷикистон ва Чин Ёддошти тафоҳум оид ба мусоидат ба ҳамкорӣ дар соҳаи инфрасохтор ва сохтмони муҳандисӣ ба имзо расид
Байни мақомоти зиддикоррупсионии Тоҷикистон ва Чин Ёддошти тафоҳум оид ба пешгирӣ ва мубориза бо коррупсия ба имзо расид
Дар Агентии авиатсияи гражданӣ дар мавзуи «Амнияти иттилоотӣ дар шароити таҳдидҳои киберии муосир» ҳамоиш доир шуд
Дар Тоҷикистон беш аз 4 ҳазор коргоҳу корхонаи истеҳсолӣ фаъолият менамояд
Сохтмони роҳи таворавии шаҳри Кӯлоб қадами муҳим дар рушди инфрасохтори нақлиётии Тоҷикистон аст
Дар вилояти Суғд ҳаҷми истеҳсоли маҳсулоти кишоварзӣ ба беш аз 21 миллиард сомонӣ расид
«Барномаи рушди иҷтимоию иқтисодии вилояти Хатлон барои солҳои 2026–2030» 31,2 фоиз иҷро гардид
Дар Тоҷикистон 7136 ҳолати вайронкунии қонунгузории замин бартараф карда шуд
Ҳамкории БАТР бо Тоҷикистон дар соҳаи энергетика тақвият меёбад
Дар Нозироти андози шаҳри Ваҳдат 804 субъекти хоҷагидори амалкунанда сабти ном шудааст
