НАҚШИ ПЕШВОИ МИЛЛАТ ДАР ГУСТАРИШИ МАЪРИФАТИ ҲУҚУҚИИ ҶОМЕА. Доир ба он дар Донишгоҳи миллӣ конфронси ҷумҳуриявӣ баргузор шуд
ДУШАНБЕ, 14.06.2024 /АМИТ «Ховар»/. Имрӯз бахшида ба Соли маърифати ҳуқуқӣ (2024) дар Донишгоҳи миллии Тоҷикистон дар мавзуи «Нақши Пешвои миллат дар густариши маърифати ҳуқуқии ҷомеа» конфронси ҷумҳуриявии илмию назариявӣ баргузор гардид, ки дар кори он муовини Сарвазири Ҷумҳурии Тоҷикистон Дилрабо Мансурӣ, Ёрдамчии Президенти Ҷумҳурии Тоҷикистон оид ба масъалаҳои ҳуқуқӣ Зариф Ализода, Вазири адлияи Ҷумҳурии Тоҷикистон Музаффар Ашуриён ва дигар намояндагони сохторҳои дахлдор иштирок намуданд.
Ректори Донишгоҳи миллӣ Эмомалӣ Насриддинзода изҳор намуд, ки баррасии ин мавзуъ ба баланд бардоштани маърифатии ҳуқуқии устодону кормандон ва донишҷӯёни донишгоҳ мусоидат намуда, дар арафаи таҷлили 30-юмин солгарди қабули қонуни асосии мамлакат– Конститутсия муҳим мебошад.
Дар конфронс изҳор гардид, ки Ҷумҳурии Тоҷикистон дар шароити имрӯза марҳилаи нави тараққиёт ва пешрафтро паси сар менамояд, ки бо назардошти ин муносибатҳои нави ҷамъиятӣ, пеш аз ҳама, ба танзими ҳуқуқӣ ва тарбияи ҳуқуқии шаҳрвандон эҳтиёҷ дорад.
Гуфта шуд, ки ҳуқуқ моҳияти умумииҷтимоӣ дошта, беистисно ба манфиати ҳамаи одамон хизмат мекунад, ҷиҳатҳои ташкил кардан, ба тартиб овардан, устувор намудан ва инкишоф ёфтани алоқаҳои иҷтимоиро таъмин менамояд. Инсон дар доираи ҳуқуқҳои худ озодона амал мекунад ва қонун озодии инсонро аз ҳама гуна амалҳои манфӣ ҳифз менамояд. Аз ин рӯ, ҳар фарди ҷомеа бояд зарурати риояи бечунучарои қонунро амиқ дарк намояд ва итоат ба қонун бояд ба одати ҳар шаҳрванд табдил ёбад.
Конфронс аз бахшҳои «Асосҳои назариявии маърифати ҳуқуқӣ» ва «Маърифати ҳуқуқӣ ҳамчун омили рушди давлатдории миллӣ» иборат буда, дар кори он давоми рӯз беш аз 20 маъруза мавриди баррасӣ қарор мегирад.
АКС: Донишгоҳи миллии Тоҷикистон
ҲАМНАФАСИ МАРДУМ, ҲАМҚАДАМИ ТАЪРИХ. Андешае дар ҳошияи Рӯзи Президенти Ҷумҳурии Тоҷикистон
ПЕШВОИ МИЛЛАТ ВА ТАҲКИМИ ПОЯҲОИ РУШДИ ИҚТИСОДИИ ТОҶИКИСТОН. Дар ҳошияи таҷлили Рӯзи Президент
Бахшида ба Рӯзи Президент дар Донишгоҳи байналмилалии сайёҳӣ ва соҳибкорӣ ҳамоиш доир шуд
Барномаи «Низоми арзёбии донистани забони тоҷикӣ барои шаҳрвандони хориҷӣ» муаррифӣ гардид
Ҳаками озмуни «Фурӯғи субҳи доноӣ китоб аст» Шодӣ Раҷабзод: «Сатҳи омодагӣ, донишу маърифат ва ҷаҳонбинии довталабон сол то сол беҳтар мегардад»
«ИЛМ — ФУРӮҒИ МАЪРИФАТ». 59 иштирокчии даври ниҳоии озмун қадрдонӣ карда шуданд
РӮЗИ ПРЕЗИДЕНТИ ТОҶИКИСТОН — РӮЗИ АРҶГУЗОРӢ БА МЕЪМОРИ СУЛҲУ ВАҲДАТИ ТОҶИКОН ДАР АРСАИ ҶАҲОНӢ. Андешаҳо дар ин маврид
ШИНОХТИ ШАХСИЯТҲОИ АДАБӢ ВА ТАЪРИХӢ ДАР ЗАМИНАИ ИСТИҚЛОЛ. Бо чунин унвон конференсияи ҷумҳуриявӣ доир гардид
Дар ноҳияи Бобоҷон Ғафуров сохтмони иншооти соҳаи маориф ва саноат идома дорад
«ФУРӮҒИ СУБҲИ ДОНОӢ КИТОБ АСТ». Бо иштироки 562 довталаб даври ниҳоии озмун ифтитоҳ ёфт
Ҷаласаи ситоди даври чоруми Озмуни ҷумҳуриявии «Фурӯғи субҳи доноӣ китоб аст» баргузор гардид
