НАМОИШГОҲИ БАЙНАЛМИЛАЛИИ САВДО «СУҒД-2024». Вилояти Суғд бо зиёда аз 60 давлати ҷаҳон робитаҳои иқтисодӣ дорад

Июнь 20, 2024 11:58

ДУШАНБЕ, 20.06.2024 /АМИТ «Ховар»/. Бо дастгирии Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон соҳаҳои иқтисоду савдо, саноату кишоварзӣ дар вилояти Суғд ба пешравӣ ноил гардидааст. Имрӯз вилояти Суғд бо тамоми ниҳодҳои молии байналмилалӣ ҳамкории судманд дошта, бо зиёда аз 60 мамлакати ҷаҳон робитаҳои иқтисодӣ дорад. Дар ин хусус 18 июн зимни баргузории форум таҳти унвони «Имкониятҳои тиҷоратию сармоягузорӣ ва дурнамои рушди минтақа» иттилоъ дода шуд, хабар медиҳад АМИТ «Ховар» бо истинод ба Хадамоти матбуоти Раиси вилояти Суғд.

Форум дар ҳошияи Намоишгоҳи  байналмилалии савдо «Суғд-2024» дар Театри давлатии мусиқӣ — мазҳакавии  ба номи Камоли Хуҷандӣ баргузор шуда, дар кори он муовини Сарвазири Ҷумҳурии Тоҷикистон Сулаймон Зиёзода, намояндагони вазорату идораҳои ҷумҳуриявӣ, ҳокимони вилояти Тошканд, Намангон, Сирдарёи Ҷумҳурии Узбекистон, губернатори вилояти Пензаи Федератсияи Русия, ноиб-президенти Палатаи савдо ва саноати Федератсияи Русия ва муовинони раисони як қатор вилоят ва шаҳру ноҳияҳои мамлакатҳои дӯст, сафирони мамлакатҳои гуногун ва соҳибкорону сармоягузорони дохилу хориҷ иштирок доштанд.

Раиси вилояти Суғд Раҷаббой Аҳмадзода ташкили Намоишгоҳи байналмилалии савдо «Суғд-2024» ва форуми мазкурро як қадами муҳим дар роҳи рушд ва таҳкими муносибатҳои мутақобилан судманди тиҷоратию иқтисодӣ, фарҳангӣ ва дӯстонаи байни мамлакатҳо арзёбӣ намуд.

Мавсуф ташкили чунин ҳамоиши сатҳи баландро ҷиҳати ноил шудан ба ҳадафи умумӣ – рушди минтақа ва таъмини зиндагии шоистаи мардум муҳим дониста, иброз намуд, ки дар ҷаҳони зудтағйирёбанда барои боз ҳам инкишоф додани алоқаҳои тиҷоратию иқтисодӣ ва афзоиши табодули молу маҳсулот бояд аз тамоми имкониятҳо истифода бурда шавад. Намоишгоҳи байналмилалии савдо «Суғд-2024» майдони хубе барои роҳандозии ташаббусҳои нав ва баррасиву татбиқи тарҳҳои муштарак мебошад.


Иттилоъ дода шуд, ки дар вилоят зиёда аз 1000 корхонаи  хурду бузурги саноатӣ фаъолият дошта, 250 номгӯи маҳсулот истеҳсол ва як қисми он ба хориҷи мамлакат содирот мегардад.

Ҳаҷми гардиши савдои хориҷии вилоят 3 миллиард доллари Иёлоти Муттаҳидаи Амрикоро ташкил дода, барои тоҷирону сармоягузорон шароити мусоид фароҳам оварда шудааст.

Таъкид гардид, ки дар рафти намоишгоҳи байналмилалӣ соҳибкорон имкон пайдо мекунанд, ки бо намояндагони тиҷоратии мамлакатҳои иштироккунанда мулоқот намуда, дурнамои ҳамкории минбаъдаи мутақобилан судмандро баррасӣ намоянд.

АКС: Хадамоти матбуоти Раиси вилояти Суғд

Июнь 20, 2024 11:58

Хабарҳои дигари ин бахш

Масъалаи таҳияи Стандартҳои миллии экологӣ, иҷтимоӣ ва идоракунии корпоративӣ дар Тоҷикистон баррасӣ гардид
ТАЪМИНИ АМНИЯТИ ОЗУҚАВОРӢ. Дар Тоҷикистон имсол дар майдони беш аз 6 ҳазор гектар картошка кишт гардид
РУШДИ САНОАТ. Дар корхонаҳои саноатии шаҳри Исфара ҳаҷми истеҳсоли маҳсулот меафзояд
Маркази миллии патенту иттилооти Тоҷикистон ва Ташкилоти патентии Авруосиёӣ ҳамкориро тавсеа мебахшанд
Соли равон дар вилояти Суғд 55559 тонна картошка ва 37415 тонна пиёз ҷамъоварӣ шудааст
Дар Хатлон корхонаи саноатии батареяҳои офтобӣ сохта мешавад
Дар Тоҷикистон ҳаракати воситаҳои нақлиёти вазнин, ки зиёда аз 40 тонна бор интиқол медиҳанд, манъ аст
Намояндаи Тоҷикистон дар ҷаласаи Маркази СММ оид ба содагардонии расмиёти савдо ва тиҷорати электронӣ иштирок намуд
Дар корхонаҳои саноатии ноҳияи Мастчоҳ соли равон ба маблағи беш аз 153 миллион сомонӣ маҳсулот истеҳсол карда шудааст
Коргоҳи «Гулдасти Бӯстон» 3500 либоси мактабӣ истеҳсол менамояд
ТАЪМИНИ АМНИЯТИ ОЗУҚАВОРӢ. Дар Тоҷикистон имсол зиёда аз 196 ҳазор гектар кишти такрорӣ гузаронида мешавад
Ҳаҷми маҷмӯи маҳсулоти минтақавӣ дар шаҳри Ҳисор дар соли равон беш аз 2 миллиард сомониро ташкил дод