Намояндаи Тоҷикистон дар ҷаласаи 19-уми Форуми Созмони ҳамкории Шанхай оид ба имконияти рушди саноати «сабз» сухан гуфт
ДУШАНБЕ, 06.06.2024 /АМИТ «Ховар»/. 5-6 июни соли 2024 дар шаҳри Тошканди Ҷумҳурии Узбекистон таҳти раёсати Институти тадқиқоти стратегӣ ва байниминтақавӣ дар назди Президенти Ҷумҳурии Узбекистон ҷаласаи 19-уми Форуми Созмони ҳамкории Шанхай таҳти унвони «Нақши Созмони Ҳамкории Шанхай дар шароити муосир: муттаҳид намудани сайъу талошҳо баҳри амнияти умумӣ, субот ва шукуфоӣ» баргузор шуд, хабар медиҳад АМИТ «Ховар» бо истинод ба хадамоти матбуоти Маркази тадқиқоти стратегии ҷумҳурӣ.
Дар форум роҳбарони марказҳои таҳлилии давлатҳои аъзо, нозир ва узви муколамаи Созмони ҳамкории Шанхай, инчунин доираи васеи коршиносон иштирок намуда, вазъи дурнамои тавсеаи минбаъдаи ҳамкориро дар доираи Созмони ҳамкории Шанхай, баланд бардоштани самаранокии фаъолияти Созмон ва такмили фаъолияти Форуми Созмони ҳамкории Шанхай мавриди баррасӣ қарор доданд.
Аз ҷониби Тоҷикистон дар ин ҳамоиш директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода иштирок намуд.
Дар бахши аввали форум, ки ба мавзуи «Самтҳои афзалиятноки ҳамкорӣ дар доираи Созмони ҳамкории Шанхай: татбиқи ҳамаҷонибаи имконияти истифоданашуда» бахшида шуда буд, директори Маркази тадқиқоти стратегии назди Президенти Ҷумҳурии Тоҷикистон Хайридин Усмонзода изҳор намуд, ки Форуми Созмони ҳамкории Шанхай аз замони таъсис дар соли 2006 давоми чанд соли охир тадриҷан ба платформаи муҳимми зеҳнӣ ва таҳлилӣ табдил ёфт. Ин имкон медиҳад, ки табодули афкор ва талошҳо баҳри таҳияи равишҳои муносиб барои дарк ва тафсири самтҳои имрӯзаи равандҳои ҷаҳониву минтақавӣ фароҳам гардад.
Иброз гардид, ки имрӯз Созмони ҳамкории Шанхай яке аз ниҳодҳои муайянкунандаи самтҳои асосии муносибатҳои байналмилалӣ буда, минтақаи васеъро аз Авруосиё то Ховари Миёна фаро гирифтааст.
Таъкид гардид, ки яке аз принсипҳои асосии ҳамкории ҷомеаи давлатҳои аъзои Созмони ҳамкории Шанхай ҳавасмандгардонии рушди иқтисодии якдигар мебошад, ки ба манфиати ҳамагон аст. Аз ин рӯ давлатҳои Созмони ҳамкории Шанхай метавонанд бо Тоҷикистон якҷоя кор карда, аз имконияти рушди саноати “сабз” истифода баранд.
Хайридин Усмонзода иброз намуд, ки Маркази тадқиқоти стратегии назди Президенти Ҷумҳурии Тоҷикистон дар ин самт барои ҳамкории амалӣ бо тамоми марказҳои таҳлилии давлатҳои Созмони ҳамкории Шанхай омода аст.
АКС: Хадамоти матбуоти Маркази тадқиқоти стратегии назди Президенти Ҷумҳурии Тоҷикистон
Ҳайати Тоҷикистон дар ҷаласаи Комиссияи СММ оид ба пешгирии ҷиноят ва адлияи ҷиноӣ дар Женева иштирок дорад
Дар Москва машваратҳои муовинони вазирони корҳои хориҷии Созмони Аҳдномаи амнияти дастҷамъӣ баргузор шуд
Дар қароргоҳи ЮНЕСКО бахшида ба Эъломияи Куруши Кабир конфронси илмӣ баргузор шуд
Дар Душанбе машваратҳои сиёсӣ байни вазоратҳои корҳои хориҷии Тоҷикистон ва Нидерланд доир гардид
Ҳамкории Тоҷикистон ва Беларус дар самти аттестатсияи кадрҳои илмӣ баррасӣ гардид
Фаррух Ҳамрализода бо сафири Подшоҳии Нидерланд дар Ҷумҳурии Тоҷикистон Нико Схермерс мулоқот намуд
Cафири Тоҷикистон бо Президенти «Маркази тиҷоратии ҷаҳонӣ»-и иёлати Ютаҳи ИМА вохӯрӣ намуд
Ҳамкории минтақавии кишварҳои Осиёи Марказӣ ва Эъломияи Хуҷанд дар Маркази Авруосиёи Шурои Атлантик баррасӣ шуд
Машваратҳои сиёсӣ байни вазоратҳои корҳои хориҷии Тоҷикистон ва Индонезия баргузор гардиданд
Дар Душанбе ҷаласаи навбатии комиссияи байниҳукуматии Тоҷикистону Эрон доир шуд
РАВАНДИ ОБИ ДУШАНБЕ. Сарвазири Тоҷикистон Конфронси чоруми байналмилалиро натиҷагирӣ намуд
РАВАНДИ ОБИ ДУШАНБЕ. Тоҷикистон мавқеи пешсафи худро дар пешбурди рӯзномаи ҷаҳонии об тасдиқ намуд
