НОРАСОИИ КИТОБҲОИ ДАРСӢ. Ин масъала дар машварати Вазорати маориф ва илми Ҷумҳурии Тоҷикистон мавриди баррасӣ қарор гирифт
ДУШАНБЕ. 24.06.2024 /АМИТ «Ховар»/. Ба талаботи замони муосир ҷавобгӯй гардонидани мазмуну мундариҷаи китобҳои дарсӣ, тартиби ҳуҷҷатгузории иҷораи китобҳои дарсӣ дар раёсат ва шуъбаҳои маорифи шаҳру ноҳияҳои мамлакат ва системаи билингии пардохти маблағи иҷораи китобҳои дарсӣ — ин ва дигар масъалаҳои соҳаи китобдорӣ 22 июн зимни машварат дар шаҳри Душанбе таҳти унвон «Таъмини муассисаҳои таълимӣ бо китобҳои дарсӣ» мавриди баррасӣ қарор гирифт.
Тавре дар Вазорати маориф ва илми мамлакат иттилоъ доданд, машварат дар асоси дастуру ҳидоятҳои Президенти Ҷумҳурии Тоҷикистон муҳтарам Эмомалӣ Раҳмон ҷиҳати бо дарназардошти ғояҳои давлатдории миллӣ таҳия намудани китобҳои дарсӣ, ҳамзамон ба талаботи замони муосир ҷавобгӯй гардонидани мазмуну мундариҷаи онҳо ва бартараф намудани мушкилоти ҷойдошта, махсусан дар самти таҳия ва нашри китобҳои дарсӣ доир гардид.
Вазири маориф ва илми ҷумҳурӣ Раҳим Саидзода иброз намуд, ки «мушкилоти дигаре, ки имрӯзҳо дар самти китобдорӣ ба чашм мерасад, ин дар сатҳи зарурӣ ба роҳ намондани ҳуҷҷатнигорӣ ва ҳисоботи бухгалтерии адабиёти таълимӣ дар шуъбаҳои маориф ва муассисаҳои таълимии шаҳру ноҳияҳо мебошад. Дар робита ба ин масъулини соҳаро зарур аст ҷиҳати ҳалли мушкилоти мазкур ҳар чӣ бештар чораҳои амалӣ андешанд».
Раҳим Саидзода дар охир ба мушовирони бахши китобдории раёсату шуъбаҳои маориф ва масъулини Вазорати маориф ва илм дастур дод, то ҷиҳати роҳ наёфтани ҳолатҳои коррупсионӣ дар самти иҷораи китобҳои дарсӣ ва роҳҳои пешгирии он, тарзи аз эътибор соқит кардани китобҳои фарсудашуда, роҳҳои бартараф намудани қарзи иҷораи китобҳои дарсӣ, гузаронидани санади муқоисавӣ байни шуъбаи маориф ва муассисаҳои таълимӣ, муайян намудани шумораи хонандагон, пешниҳоди дархост барои таъмин намудан бо китобҳои дарсӣ, бо мақсади аз байн бурдани норасоии адабиёти таълимӣ дар муассисаҳои таҳсилоти умумӣ бо ҳамкории китобдорони муассисаҳои таҳсилоти умумӣ ҳангоми пешниҳоди эҳтиёҷот ба китобҳои дарсӣ саҳлангорӣ накарда, дархости китобҳои дарсиро дуруст ба вазорат пешниҳод намоянд.
АКС: Вазорати маориф ва илми Ҷумҳурии Тоҷикистон
Масоили густариши ҳамкории таълимӣ ва гуманитарии Тоҷикистону Русия баррасӣ шуд
Донишҷӯёни Донишкадаи политехникии шаҳри Хуҷанд дар озмуни «Беҳтарин донандаи Кодекси андоз» соҳиби ҷойҳои намоён шуданд
Дар Донишгоҳи давлатии ҳуқуқ, бизнес ва сиёсати Тоҷикистон намоиши ҷойи холии кор баргузор гардид
ТАШАББУСҲОИ БАЙНАЛМИЛАЛИИ ПРЕЗИДЕНТИ ТОҶИКИСТОН. Тавассути он масъалаи об ба самти калидии рӯзномаи ҷаҳонӣ табдил гардид
35-СОЛАГИИ ИСТИҚЛОЛИ ДАВЛАТӢ. Дар Ҳисор 231 синфхона барои 5544 хонанда дар як баст бунёд карда мешавад
Донишкадаи кӯҳию металлургии Тоҷикистон дар омодасозии мутахассисони соҳаи кӯҳӣ ва рушди саноат саҳми назаррас дорад
Президенти Тоҷикистон барои иҷрои босифати барномаи рушди фанҳои дақиқ дастур доданд
Дар Тоҷикистон фарогирии кӯдакон ба муассисаҳои томактабӣ тавассути рушди шаклҳои алтернативӣ зиёд мегардад
Оид ба механизмҳои муосири арзёбии сифати таҳсил дар муассисаҳои таҳсилоти олӣ ҳамоиш доир гардид
ПАЙВАНДИ ИЛМ БО ИСТЕҲСОЛОТ. Дар Донишгоҳи технологии Тоҷикистон озмуни ихтироъкорӣ ва навоварӣ доир шуд
««ШОҲНОМА»-И АБУЛҚОСИМ ФИРДАВСӢ ВА ТАҲКИМИ ҲУВИЯТИ МИЛЛӢ». Дар Донишгоҳи давлатии Кӯлоб ҳамоиш доир шуд
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
