ОБОДИИ ВАТАН АЗ ОБОДИИ МАҲАЛ ОҒОЗ МЕГАРДАД. Сокинони ноҳияи Деваштич роҳҳои маҳалларо мумфарш мегардонанд
ДУШАНБЕ, 05.06.2024 /АМИТ «Ховар»/. Сокинони маҳаллаи Меҳрободи ноҳияи Деваштич нақша доранд, ки имсол 5 километр роҳи маҳаллиро бо сифати баланд мумфарш намоянд. Соли 2023 сокинони ноҳия 7,5 км роҳи маҳалларо мумфарш намуда буданд, иттилоъ доданд ба АМИТ «Ховар» дар хадамоти матбуоти Раиси вилояти Суғд.
Раиси вилоят Раҷаббой Аҳмадзода дар маҳаллаи Меҳрободи ноҳияи Деваштич бо корҳои мумфаршкунии роҳ шинос гардида, ин иқдоми сокинонро истиқбол намуд.
Гуфта шуд, ки ин иқдом аз дастуру супоришҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки дар мулоқот бо фаъолон, намояндагони ҷомъа ва ходимони дин баён шуда буданд, сарчашма мегирад.
Раиси вилоят иброз намуд, ки аз тарафи мақомоти иҷроияи ҳокимияти давлатии вилоят низ 2,5 км роҳ пурра асфалтпӯш карда мешавад.
Корҳои роҳсозӣ аз тарафи ҶДММ «Роҳи пурфайз» анҷом дода шуда, бо ин мақсад техникаҳои муосири роҳсозӣ истифода мегарданд. То ин марҳила аллакай аз тарафи сокинон корҳои ҳамворкунӣ анҷом ёфта, қубурҳои обгузар кашида шудаанд ва дар оянда чароғон намудани кӯчаҳо низ дар назар дошта шудааст.
Ёдовар мешавем, ки имрӯзҳо бо ҳиммати фарзандони ватандӯсти деҳоту ноҳия бунёду мумфаршкунии боз садҳо километр роҳҳо идома дорад. Ин ҳама бунёдкорию созандагӣ ба хотири ба шаҳр наздик сохтани симои деҳот ва таъмини инфрасохтори зарурӣ дар он мебошад.
АКС: Хадамоти матбуоти Раиси вилояти Суғд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
Пешвои миллат Эмомалӣ Раҳмон дар шаҳри Истаравшан бинои маҷмааи миллии соҳибкории «Роҳи Абрешим»-ро мавриди истифода қарор доданд
Сарвари давлат Эмомалӣ Раҳмон дар ноҳияи Шаҳристон дар Иди картошка иштирок намуданд
