Роҳбарияти «Тоҷикаэронавигатсия» дар Саммити ҷаҳонии «CANSO Global ATM Summit 2024» иштирок намуд
ДУШАНБЕ, 19.06.2024 /АМИТ «Ховар»/. Дар пойтахти Озарбойҷон — шаҳри Боку Саммити ҷаҳонии идоракунии ҳаракати ҳавоии CANSO-2024 (CANSO Global ATM Summit 2024) баргузор гардид, ки дар он ҳайати Тоҷикистон таҳти роҳбарии муовини якуми директори генералии Корхонаи воҳиди давлатии «Тоҷикаэронавигатсия» Даврон Шодмонбекзода иштирок намуд.
Тавре АМИТ «Ховар» бо истинод ба Корхонаи воҳиди давлатии «Тоҷикаэронавигатсия» хабар медиҳад, мавзуи Саммити CANSO-2024 устувории муҳити зист, бахусус мубориза бо тағйирёбии иқлимро дар бар гирифта, дар ҷараёни ҳамоиш иштирокдорон мавзуъҳои коҳиши партовҳои карбон, ҷорӣ намудани технологияҳои инноватсионӣ дар идоракунии ҳаракати ҳавоӣ, такмили раванди идоракунии ҳаракати ҳавоӣ бо ҳадафи ноил шудан ба парвозҳои аз ҷиҳати экологӣ тоза ва ғайраро баррасӣ намуданд.
Директори генералии CANSO Саймон Хоккар дар маърӯзааш таъкид намуд, ки: «саноати авиатсияи ҷаҳон ба ояндаи устувор ниёз дорад, аз ин рӯ мо бояд масоили коҳиши партовҳои газҳои гулхонаиро ҳал намоем».
Дар ҷараёни ҳамоиш намояндагони давлатҳои ҷаҳон дар бахши идораи ҳаракати ҳавоӣ ва аъзои CANSO дар баҳсу баррасии масоили калидӣ ва қабули қарорҳои муҳим барои дурнамои ин созмон иштирок намуданд.
АКС: Корхонаи воҳиди давлатии «Тоҷикаэронавигатсия»
Ба хотири гиромидошти 115-солагии Шоири халқии Тоҷикистон Мирзо Турсунзода дар Шаҳринав ҳамоиши илмӣ доир шуд
РАВАНДИ ОБИ ДУШАНБЕ. Моҳи май дар пойтахти Тоҷикистон Фестивали об баргузор мешавад
Оид ба масъалаҳои мубрами филологияи Шарқ ва робитаҳои адабӣ конференсияи байналмилалӣ доир шуд
Каналҳои магистралии Вахш ва Шуробод ба таҷдиди куллӣ фаро гирифта шудаанд
Дар заминҳои назди Муассисаи таҳсилоти миёнаи умумии №5-и ноҳияи Кӯшониён картошка кишт карда шудааст
Сулҳофар, тоҷикпарвар, ваҳдатгаро, ташаббускор, роҳкушо, нурофар, сипаҳсолор — ҳафт сифати барҷастаи роҳбарии Пешвои миллат
Имрӯз дар Тоҷикистон ҳавои тағйирёбанда пешгӯӣ шуда, борони кӯтоҳмуддат меборад
Дар Маркази назорати давлатии санитарию эпидемиологии вилояти Суғд вохӯрӣ баргузор шуд
Имрӯз дар Тоҷикистон ҳавои тағйирёбанда шуда, борони кӯтоҳмуддат меборад
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
