САЛОМ, ТОБИСТОН! Лагери истироҳативу омӯзишии «Рангинкамон» ба фаъолият оғоз намуд

Июнь 15, 2024 13:37

ДУШАНБЕ, 15.06.2024 /АМИТ «Ховар»/. Аз 11 июн то 3 июл лагери истироҳативу омӯзишии «Рангинкамон»-и назди Муассисаи давлатии «Маркази кӯдакон ва наврасони шаҳри Душанбе» дар чор баст наврасон — хонандагони муассисаҳои таълимии шаҳри Душанберо ба истироҳату фароғат фаро мегирад. Дар ин хусус АМИТ «Ховар» бо истинод ба Маркази кӯдакон ва наврасони шаҳри Душанбе хабар медиҳад.

Дар лагери истироҳативу омӯзишии «Рангинкамон» дар ҳар баст 100 нафар, ҷамъ 400 нафар наврасон — хонандагони муассисаҳои таълимии шаҳри Душанберо ба истироҳату фароғат фаро гирифта мешаванд.

Зимни маросими ифтитоҳи лагер директори Муассисаи давлатии «Маркази кӯдакон ва наврасони шаҳри Душанбе» Назрихуҷа Сайдалиев иброз намуд, ки ташкили чунин лагерҳо чӣ дар дохили пойтахт ва чӣ берун аз он аз ҷумлаи дастгириҳои Мақомоти иҷроияи ҳокимияти давлатии шаҳри Душанбе, махсусан Раиси шаҳри Душанбе Рустами Эмомалӣ мебошад.

Имсол дар давраи таътили тобистона беш аз 10 ҳазору 500 нафар хонандагони муассисаҳои таҳсилоти миёнаи умумии пойтахт дар истироҳатгоҳҳои наздимуассисавию беруназшаҳрӣ ройгон ба истироҳату фароғат фаро гирифта мешаванд.

Зимни ифтитоҳи лагер барномаи ​фарҳангии омоданамудаи маҳфилҳои эҷодӣ – бадеӣ ва ансамбли «Шукуфаҳои пойтахт»-и Марказ пешниҳод гардид.

АКС: Маркази кӯдакон ва наврасони шаҳри Душанбе

Июнь 15, 2024 13:37

Хабарҳои дигари ин бахш

Дар ноҳияи Кӯҳистони Мастчоҳ бинои нави маъмурии кумитаи идораи замин бунёд мешавад
Директори Агентии хизмати давлатӣ: «Аксарияти сомонаҳои мақомоти давлатии шаҳру ноҳияҳо аз ҷиҳати мазмуну муҳтаво ба талабот ҷавобгӯ нестанд»
Ба сокинони аз офатҳои табиӣ зарардидаи ноҳияи Фархор кумак расонида шуд
Дар Деваштич дар мавзуи технологияи парвариши картошка машварати илмӣ-амалии ҷумҳуриявӣ баргузор шуд
НИШАСТИ МАТБУОТӢ. То соли 2032 тамоми аҳолии Тоҷикистон бо оби нӯшокии мутамарказонидашуда таъмин мегардад
САЛОМАТИИ МИЛЛАТ — БОИГАРИИ АСОСИИ ДАВЛАТ. Дар Тоҷикистон барои пешгирии бемориии гепатит чораҳои мақсаднок андешида мешаванд
ҲИФЗИ СИРРИ ДАВЛАТӢ ВА ҲИФЗИ ТЕХНИКИИ ИТТИЛООТ. Роҳбарони дастгоҳҳои шаҳру ноҳияҳои тобеи ҷумҳурӣ такмили ихтисос намуданд
35-СОЛАГИИ ИСТИҚЛОЛИ ДАВЛАТӢ. Дар деҳаи Долонаи Ашт мактаб ва бунгоҳи тиббӣ сохта мешавад
Дар Душанбе вобаста ба нақши қонунҳои миллӣ дар таъмини зиндагии шоистаи мардум конференсияи илмӣ — назариявӣ доир гардид
Дар ташкилоти ибтидоии ҳизбии «Заминсоз» маҷлиси ҳисоботӣ-интихоботӣ баргузор шуд
Дар Вазорати тандурустӣ ва ҳифзи иҷтимоии аҳолӣ масъалаи ошкорсозӣ ва бақайдгирии гепатитҳои вирусӣ баррасӣ гардид
Тоҷикистон ва Туркия бо мақсади рушди инфрасохтори соҳаи кор бо ҷавонон ва варзиш ҳамкориро тақвият медиҳанд