Ширкати IRS: Барои таъмини бехатарии роҳ 34 тонна ранг ва 8 тонна саққочаи ҷилодиҳанда сарф хоҳад шуд
ДУШАНБЕ, 19.06.2024 /АМИТ «Ховар»/. Соли равон аз ҷониби Ширкати саҳомии «Инновейтив Роуд Солюшнз ЛТД» барои дар сатҳи хубу сифати баланд таъмини бехатарии ҳаракати воситаҳои нақлиёт 34 тонна ранг ва 8 тонна саққочаи ҷилодиҳанда сарф хоҳад шуд. Дар ин хусус ба АМИТ «Ховар» дар Маркази матбуоти филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон хабар доданд.
Харидории саққочаҳои ҷилодиҳандаро манбаъ ба муроҷиати шаҳрвандон рабт дод. Маълум гардид, ки зимни муроҷиат аз тариқи саҳифаи филиали ширкат дар шабакаҳои иҷтимоӣ, аз ҷумла «Фейсбук» шаҳрвандон аксар маврид аз манфиатҳои хатҳои уфуқӣ ёдовар шуда, дархост намуданд, ки беҳтар мешавад агар зимни кашидани хатҳои уфуқӣ ба қобилияти ҷилодиҳии онҳо бештар таваҷҷуҳ зоҳир гардад. Чун ҳарвақта ин пешниҳод низ фавран мавриди баррасии роҳбарияти «IRS» қарор гирифта, дар муддати кутоҳ татбиқ шуд.
Бо мақсади муайян сохтани талаботи истифодабарандагони роҳ аз ҷониби филиали Ширкат дар ҳар хати ҳаракати назди плазаҳои толлингӣ барои арзу пешниҳодҳо сандуқ гузошта шудаанд. Илова бар ин, хати доимоамалкунандаи филиали Ширкат — 487011020 низ фаъол буда, дилхоҳ мусофиру ронанда метавонад шабонарӯзӣ занг зада, дархост ва эроди худро пешниҳод намояд.
Ба иттилои манбаъ, махсусияти кашидани хатҳои уфуқӣ дар он зоҳир мегардад, ки шабона бо қобилияти ҷилодиҳии худ бехтарии ҳаракатро комилан таъмин менамоянд.
Далелҳо гувоҳи онанд, ки солҳои охир дар заминаи тадбирандешиҳои саривақтӣ аз ҷониби кормандони намояндагиҳои Варзоб, Зарафшон ва Суғд дар масофаи садҳо километр хатҳои уфуқӣ аз нав кашида шуданд. Муҳимтар аз ҳама, ин иқдом бо истифода аз ранги босифат, тавассути техникаи замонавӣ, ки барои ҳар як намояндагӣ алоҳида харидорӣ шудааст, амалӣ гардида истодааст. Чунин тарзи кор ба ҳукми анъана даромада, ҳар сол бо фаро расидани фасли тобистон шурӯъ гардида, то оғоз гардидани мавсими сармо идома меёбад.
АКС: Маркази матбуоти филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикстон
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Дар вилояти Суғд бахшида ба Рӯзи кормандони соҳаи тиб ҳамоиш доир гардид
Дар Хуҷанд даври шаҳрии Озмуни ҷумҳуриявии «Беҳтарин хизматчии давлатӣ аз ҳисоби занон» доир шуд
ИСТИҚЛОЛ ВА ФАРДОИ ДУРАХШОНИ ВАТАН. Доир ба он ҳамоиши ҷумҳуриявӣ баргузор шуд
12 АВГУСТ — РӮЗИ БАЙНАЛМИЛАЛИИ ҶАВОНОН. Беш аз 1700 нафар ҷавонони Тоҷикистон дар вазифаҳои роҳбарӣ фаъолият доранд
ПУРСИДЕД, ҶАВОБ МЕДИҲЕМ. Дар кадом ҳолатҳо муҳоҷирон ба рӯйхати шахсони назоратшаванда ворид мешаванд?
Ҳамкории Маркази тадқиқоти стратегии Тоҷикистон бо Раёсати нашр ва паҳнкунии адабиёт бо забонҳои хориҷии Чин густариш меёбад
Таъсиси маркази касбомӯзӣ ва омӯзиши забонҳои арабӣ ва англисӣ барои муҳоҷирони меҳнатӣ баррасӣ шуд
Истифодаи барномаи «Амина» барои шаҳрвандони хориҷие, ки ба Русия бе раводид ворид мешаванд, ҳатмӣ мегардад
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
